Select your language
Select your language
5 сакавіка студэнты 3 курса спецыяльнасці "Менеджмент у сферы міжнароднага турызму", 1 курса спецыяльнасцей "Міжнароднае права" і "Міжнародная лагістыка" сумесна з выкладчыкамі кафедры рамана-германскіх моў міжнароднай прафесійнай дзейнасці Швайбай В. Г., Валовікавай І. П. і Арсенцьевай М. Ф. у рамках экскурсіі наведалі Храм-Помнік у гонар Усіх Святых, Крыпту і музей Памяці. Гэтае мерапрыемства стала каштоўным досведам, які дазволіў маладым людзям глыбей пазнаёміцца з багатай гісторыяй і культурай нашай краіны.
Храм-помнік у гонар Усіх Святых уяўляе сабой частку цэлага гістарычнага комплексу, на тэрыторыі якога таксама размешчаны Дом міласэрнасці і драўляная Траецкая царква. Гэты ансамбль з'яўляецца сведчаннем трывалых духоўных і культурных традыцый, якія на працягу стагоддзяў аб'ядноўвалі людзей у імкненні да дабра і міласэрнасці.
Падчас экскурсіі студэнты атрымалі ўнікальную магчымасць лепш азнаёміцца з гісторыяй нашага народа, што не толькі пашырыла іх кругагляд, але і ўмацавала патрыятычныя пачуцці і павагу да памяці продкаў. Найбольшае ўражанне на маладых людзей зрабіла велічнае ўбранне храма, якое здзіўляе сваёй урачыстасцю і прыгажосцю. Таксама асаблівая ўвага была ўдзелена Крыпце, ніжняй алтарнай частцы храма, дзе сабрана зямля з палёў усіх вялікіх гістарычных бітваў у абарону Айчыны і з месцаў пахаванняў мірных жыхароў, якія сталі ахвярамі ваенных кампаній.
Студэнты ўважліва слухалі аповеды экскурсавода, актыўна задавалі пытанні і праяўлялі шчырую цікавасць да гісторыі і значэння гэтага свяшчэннага месца.
Гэтая экскурсія стала не толькі культурным, але і духоўным досведам, які будзе натхняць на далейшае вывучэнне і захаванне гістарычнай спадчыны нашай краіны.
{gallery}2025/2025_03_05{/gallery}
3 сакавіка адбылася ўрачыстая цырымонія прыняцця студэнтамі 1 курса спецыяльнасці "Мытная справа" Урачыстай клятвы на вернасць Рэспубліцы Беларусі, беларускаму народу і Беларускаму дзяржаўнаму ўніверсітэту.
Клятву давала 35 студэнтаў-мытнікаў. Права зачытаць тэкст Урачыстай клятвы было прадстаўлена студэнту 13 групы 1 курса спецыяльнасці "Мытная справа", старасце акадэмічнай групы. У цырымоніі прынялі ўдзел і бацькі студэнтаў. Пасля прыняцця Клятвы намеснік дэкана па ідэалагічнай і выхаваўчай рабоце ФМА П.І. Болтачка павіншаваў студэнтаў з гэтай знамянальнай падзеяй. Таксама студэнтаў павіншавалі загадчык кафедры мытнай справы і міжнароднай лагістыкі В.А. Астрога, куратар 14 групы 1 курса Л.І. Тарарышкіна, начальнік аддзела ідэалагічнай работы Мінскай рэгіянальнай мытні Е.А. Леванюк і прадстаўнік бацькоў студэнтаў Ю.Ц. Шахоцька. У другой частцы мерапрыемства студэнты Групы ганаровай варты прадэманстравалі сваю страявую выпраўку ў Плац-парадзе.
{gallery}2025/2025_03_03{/gallery}
04.03.2025 г. адбыўся візіт Надзвычайнага і паўнамоцнага пасла Баліварыянскай Рэспублікі Венесуэла Франкліна Раміраса Араке на факультэт міжнародных адносін. Гэта ўжо не першая сустрэча Высокага госця са студэнтамі нашага факультэта. Пасольства Венесуэлы і ФМА звязваюць даўнія сяброўскія адносіны.
Асноўнай мэтай візіту было выступленне сп. Раміраса Араке перад студэнтамі ФМА і іншых беларускіх ВНУ на тэму «Актуальнасць міжнароднай геапалітычнай думкі Чавеса: Баліварыянская дыпламатыя міру». Лекцыя і наступная гутарка праводзіліся на іспанскай мове. Закранутая праблематыка выклікала цікавасць у беларускіх студэнтаў, пра што сведчыць вялікая колькасць пытанняў, якія задавалі пасля выступлення Высокага госця. Так, юнакоў і дзяўчат цікавіла роля Уга Чавеса ў развіцці двухбаковых адносін паміж Рэспублікай Беларусь і Баліварыянскай Рэспублікай Венесуэлай, актуальнасць ідэй Чавеса і іх уплыў на сучасныя палітычныя рухі, роля ідэй Чавеса ў кантэксце сучасных глабальных выклікаў і г.д.
Сустрэча аказалася надзвычай карыснай, таму што дазволіла не толькі бліжэй пазнаёміцца з ідэямі Камандантэ, якія і сёння дэманструюць сваю актуальнасць, але і атрымаць рэальную моўную практыку.
Падчас візіту спадар Амбасадар таксама наведаў фотаэкспазіцыю, прысвечаную 80-годдзю вызвалення Рэспублікі Беларусь ад нямецка-фашысцкіх захопнікаў, якую падрыхтавалі студэнты факультэта міжнародных адносін. Пра слаўныя старонкі гісторыі і гераічны подзвіг беларускага народа ў гады Вялікай Айчыннай вайны расказаў намеснік дэкана па ідэалагічнай і выхаваўчай рабоце факультэта міжнародных адносін П. І. Болтачка. Спадар амбасадар і ягоная жонка, спадарыня Майрэна былі крануты самаадданасцю беларускага народа.
Акрамя таго, на сустрэчы з кіраўніцтвам факультэта і ўніверсітэта абмяркоўваліся пытанні супрацоўніцтва па такім перспектыўным кірунку, як арганізацыя для венесуэльскіх грамадзян спецыяльных курсаў па рускай мове як замежнай у дыстанцыйным фармаце, а таксама магчымасці стварэння Цэнтра рускай мовы як замежнай у адным з вядучых універсітэтаў Баліварыянскай Рэспублікі Венесуэла. Спадар пасол праявіў зацікаўленасць у прапанове беларускага боку і паабяцаў прыкласці намаганні для рэалізацыі гэтага праекта.
{gallery}2025/2025_03_04{/gallery}
28 лютага 2025 г. адбылося ўручэнне Падзякі дэкана пераможцу конкурсу на лепшы лагатып 30-годдзя факультэта міжнародных адносін БДУ.
Пераможцам стаў студэнт 1 курса спецыяльнасці "Міжнародная лагістыка".
Лагатып будзе выкарыстоўвацца на мерапрыемствах ФМА у 2025 г.
28 лютага 2025 г. на факультэце міжнародных адносін адбылася сустрэча начальніка аддзела Беларускага інстытута стратэгічных даследаванняў (БІСД) Антона Сяргеевіча Дударонка са студэнтамі 1 курса спецыяльнасці «Міжнародныя адносіны».
А. С. Дударонак пазнаёміў студэнтаў з паняццямі «класічная дыпламатыя» і «экспертная дыпламатыя», распавёў аб структуры інстытута, супрацоўніцтве БІСД з аналагічнымі «фабрыкамі думкі» ў розных краінах і рэгіёнах свету. Спікер сканцэнтраваўся на працы ўпраўлення знешняй палітыкі. Студэнты таксама пазнаёміліся з праектамі ВІСІ.
А. С. Дударонак кампетэнтна адказаў на вялікую колькасць пытанняў: аб супрацоўніцтве з рознымі рэгіёнамі планеты, аб рабоце з інфармацыяй, аб распазнанні фэйкавых навін і іншае.
{gallery}2025/2025_02_28{/gallery}