Студэнцкая навукова-даследчая лабараторыя "Эканаміст-міжнароднік" была створана ў 2010 годзе пры кафедры міжнародных эканамічных адносін факультэта міжнародных адносін Беларускага дзяржаўнага ўніверсітэта.
Мэтай дзейнасці СНДЛ "Эканаміст-міжнароднік" з'яўляецца актывізацыя навукова-даследчай і навукова-практычнай работы студэнтаў і магістрантаў аддзялення "Сусветная эканоміка".
Задачы студэнцкай навукова-даследчай лабараторыі:
- фарміраванне навуковага светапогляду ў студэнтаў;
- засваенне сучасных навыкаў навукова-даследчай дзейнасці ў галіне эканамічнага аналізу і прагназавання функцыянавання сусветнай эканомікі;
- аналіз звестак нацыянальнай і міжнароднай статыстыкі, маніторынг эканамічнай інфармацыі з замежных крыніц;
- садзейнічанне ў прадстаўленні студэнцкіх навуковых работ для ўдзелу ў конкурсах, алімпіядах, суісканні імянных стыпендый, прэмій, грантаў;
- садзейнічанне ў апублікаванні і ўкараненні ў практыку вынікаў ажыццяўлення даследчых праектаў.
Асноўныя навуковыя напрамкі работы СНДЛ:
- міжнародны гандаль і міжнародны рух капіталу;
- цыфрызацыя сусветнай эканомікі;
- міжнародны абмен інфармацыяй і тэхналогіямі;
- міжнародныя эканамічныя інтэграцыйныя працэсы;
- міжнародныя фінансавыя і інвестыцыйныя працэсы ў сусветнай эканоміцы;
- маніторынг і аналіз дадзеных міжнароднай эканамічнай статыстыкі.
Асноўныя напрамкі дзейнасці, якая праводзіцца ў рамках СНДЛ:
- арганізацыя і правядзенне ўласных конкурсаў;
- правядзенне індывідуальнай або калектыўнай навукова-даследчай работы, у т.л. з прыцягненнем грантаў, з наступнай публікацыяй вынікаў і іх апрабацыяй на канферэнцыях і круглых сталах;
- практыка-арыентаваная навуковая дзейнасць у супрацоўніцтве з арганізацыямі/кампаніямі ў сферы сусветнай эканомікі і міжнароднага бізнесу.
Асноўныя публікацыі ў рамках СНДЛ:
- публікацыі артыкулаў у выданнях ўзроўню ВАК
- публікацыі ў зборніку навуковых артыкулаў «Лепшыя працы студэнтаў «НДРС ФМА»
- публікацыі ў зборніку артыкулаў Студэнцкай навуковай рады факультэта міжнародных адносін БДУ
- публікацыі ў зборніку навуковых артыкулаў студэнтаў, магістрантаў, аспірантаў
- публікацыі ў зборніку навуковай канферэнцыі студэнтаў і аспірантаў факультэта міжнародных адносін БДУ.
Мерапрыемствы, якія праводзяцца па ініцыятыве і непасрэдным удзеле СНДЛ:
- Адкрытая алімпіяда БДУ па сусветнай эканоміцы
Мерапрыемства праводзіцца з 2017 года пры падтрымцы арганізацый-партнёраў. Алімпіяда праводзіцца пры падтрымцы Нацыянальнага Банка Рэспублікі Беларусь. Алімпіяда праводзіцца ў рамках студэнцкай і школьнай лігі. Спаборніцтва ў студэнцкай лізе арганізоўваецца ў камандным і індывідуальным заліках. У студэнцкай лізе могуць узяць удзел студэнты 2-5 курсаў і магістранты спецыяльнасцяў эканамічнага профілю любой формы навучання беларускіх і замежных устаноў вышэйшай адукацыі. У школьнай лізе – навучэнцы 10-11 класаў устаноў сярэдняй адукацыі. У камандным заліку ў студэнцкай лізе плануецца вырашэнне бізнес-кейса ад аднаго з генеральных партнёраў алімпіяды. У індывідуальным заліку – напісанне эсэ на прапанаваную тэму. У школьнай лізе прадугледжана рашэнне бізнес-кейса ад аднаго з генеральных партнёраў у галіне сусветнай эканомікі і індывідуальны ўдзел кожнага члена каманды ў фінансавай гульні і вырашэнні анлайн-тэсту па эканоміцы.
- BSU Finance Challenge
У сакавіку-маі 2021 года па ініцыятыве і пры непасрэдным удзеле СНДЛ "Эканаміст-міжнароднік" упершыню ў Беларусі праведзены конкурс BSU Finance Challenge рэспубліканскага ўзроўню. BSU Finance Challenge – гэта першы фінансавы конкурс у Беларусі, прататыпам якога з'яўляецца CFA Institute Research Challenge.
Мэты BSU Finance Challenge: прыцягненне перспектыўных студэнтаў Беларусі ў вывучэнне фінансаў і інвестыцый; дапамога маладым фінансавым аналітыкам ва ўдасканаленні навыкаў фінансавага аналізу і ацэнкі кампаній; падрыхтоўка беларускіх студэнтаў да ўдзелу ў міжнародным фінансавым конкурсе CFA Institute Research Challenge. Асаблівасць конкурсу – гэта правядзенне яго выключна на англійскай мове. У рамках BSU Finance Challenge прадугледжаны два конкурсы: камандны залік (падрыхтоўка справаздачы Equity Report Research для кампаніі беларускага паходжання, акцыі якой каціруюцца на міжнароднай фондавай біржы) і індывідуальны залік (рашэнне тэсту, які адпавядае ўзроўню CFA 1). Конкурс мае рэспубліканскі ахоп. Падтрымку пры правядзенні гэтага конкурсу аказваюць розныя кампаніі Беларусі.
Конкурсы, у якіх удзельнічаюць члены СНДЛ:
- Рэспубліканскім конкурсе навуковых работ студэнтаў ВНУ Рэспублікі Беларусь
- CFA Research Institute Challenge
Прафарыентацыйная праца са школьнікамі ў рамках СНДЛ:
- Адкрытая алімпіяда БДУ па сусветнай эканоміцы: студэнцкая ліга
- Міжнародная алімпіяда па эканоміцы для школьнікаў
СНДЛ "Эканаміст-міжнароднік" з'яўляецца ініцыятарам удзелу беларускіх школьнікаў у Міжнароднай алімпіядзе па эканоміцы (International Economics Olympiad). Упершыню беларуская каманда брала ўдзел у гэтай алімпіядзе верасні 2020 года. Фарміраванне каманды і падрыхтоўка яе для ўдзелу ў алімпіядзе праходзіла пры непасрэдным удзеле СНДЛ "Эканаміст-міжнароднік" па выніках правядзення школьнай лігі Адкрытай алімпіяды БДУ па сусветнай эканоміцы, якая праводзіцца ў рамках дзейнасці СНДЛ. Кіраўніком каманды беларускіх школьнікаў выступіла дацэнт кафедры міжнародных эканамічных адносін ФМА БДУ Кацярына Сталярова.
Кіраўнік СНДЛ: Сталярова Кацярына Вячаславаўна, e-mail: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.
