На факультэце міжнародных адносін БДУ прадстаўлена вялікая колькасць магчымасцей для студэнтаў, якія жадаюць займацца навукова-даследчай дзейнасцю.
На 11 кафедрах ФМА БДУ працуе 6 студэнцкіх навукова-даследчых лабараторый (СНІЛ), 13 студэнцкіх навуковых гурткоў і 8 клубаў, дзе кожны жадаючы знойдзе сабе сферу па інтарэсах, граматнае кіраўніцтва з боку нашых выкладчыкаў і вучоных, а таксама матывацыйнае асяроддзе і каваркінг са сваімі калегамі. Паглядзець актуальны пералік студэнцкіх навуковых аб'яднанняў факультэта можна ТУТ.
На факультэце штогод у другой палове красавіка праводзіцца Тыдзень студэнцкай навукі. У гэты ж час арганізуецца навуковая канферэнцыя студэнтаў і аспірантаў факультэта міжнародных адносін БДУ, пасяджэнні якой праходзяць у рамках больш як 70 секцый. Аўтары лепшых выступленняў на секцыях атрымліваюць магчымасць апублікаваць асноўныя палажэнні сваіх даследаванняў у зборніку тэзісаў, а студэнты і магістранты, якія занялі на секцыях першыя месцы – у зборніку артыкулаў БДУ.
Зборнік тэзісаў 79-й канферэнцыі студэнтаў і аспірантаў ФМА БДУ (2022 г.) можна ўбачыць ТУТ.
Акрамя гэтага, студэнты і магістранты факультэта публікуюцца ў зборніках артыкулаў "Лепшыя працы НДРС ФМА", "Youth & International Relations", а таксама ў сааўтарстве са сваімі навуковымі кіраўнікамі – у зборніках матэрыялаў штогадовай міжнароднай канферэнцыі "Беларусь у сучасным свеце", штогадовай канферэнцыі маладых навукоўцаў ФМА БДУ "Міжнародныя адносіны: гісторыя, тэорыя, практыка".
На факультэце міжнародных адносін БДУ таксама рэгулярна выдаецца Зборнік навуковых артыкулаў студэнтаў, магістрантаў, аспірантаў. Ён выдаецца пры падтрымцы факультэта міжнародных адносін БДУ прыкладна адзін раз на паўгода. Выпускам зборніка прысвойваецца ISSN, ажыццяўляецца іх абавязковае рассыланне па бібліятэках краіны. На гэты час апублікаваны 29 выпускаў. Больш падрабязная інфармацыя - ТУТ
Удзел у студэнцкай навукова-даследчай рабоце, выступленні на канферэнцыях і публікацыі маюць важнейшае значэнне для зніжэння кошту навучання для студэнтаў платнай формы, а таксама служаць падмогай для павышэння стыпендыі студэнтам бюджэтнай формы навучання.
