Подождите, идет загрузка сайта ...

Сотрудничество

Цэнтр міжнародных даследаванняў выступае партнёрам Форуму Шанхайскай арганізацыі супрацоўніцтва ад Рэспублікі Беларусь. З 2011 г. прадстаўнік ЦМД штогод прымае ўдзел у пасяджэннях Форуму.

З 2013 г. Цэнтр міжнародных даследаванняў штогод выдае зборнік навуковых артыкулаў «Актуальныя праблемы міжнародных адносін і глабальнага развіцця» (http://www.elib.bsu.by/handle/123456789/90575). Загадам Вышэйшай атэстацыйнай камісіі Рэспублікі Беларусь ад 22.04.2015 № 100 зборнік уключаны ў Пералік навуковых выданняў Рэспублікі Беларусь для апублікавання вынікаў дысертацыйных даследаванняў (http://vak.org.by/list-2017-01-06) па спецыяльнасцях: 07.00.15 – гісторыя міжнародных адносін і знешняй палітыкі; 23.00.04 – палітычныя праблемы міжнародных адносін, глабальнага і рэгіянальнага развіцця.

Круглы стол па інавацыях у міжнародных даследаваннях – штогадовае мерапрыемства Цэнтра міжнародных даследаванняў, нязменна прываблівае шырокі круг спецыялістаў па дадзенай праблематыцы. У 2016 г. чарговае абмеркаванне міжнародных праблем было прысвечана 15-годдзю ўтварэння Шанхайскай арганізацыі супрацоўніцтва (http://www.elib.bsu.by/handle/123456789/156108). У 2017 г. на круглым стале аналізаваліся «Новыя магчымасці перафарматавання сістэмы міжнародных адносін» (http://www.elib.bsu.by/handle/123456789/181728).

З 2011 г. у супрацоўніцтве з Міжнародным Алферовским фондам падтрымкі адукацыі і навукі Цэнтр міжнародных даследаванняў праводзіць конкурс навуковых артыкулаў сярод маладых навукоўцаў па міжнароднай праблематыцы (гісторыя, сацыялогія, права, паліталогія).

Цэнтр міжнародных даследаванняў уключаны ў сусветны каталог «Сусветныя фабрыкі думкі» (World Directory of Think Tanks), які выдаецца Нацыянальным інстытутам апераджальных даследаванняў у Токіо (National Institute for Research Advancement), (http://www.nira.or.jp/network/abroad/nwdtt/link/IDX2/index1.html#Belarus).

Цэнтр міжнародных даследаванняў выконваў навукова-даследчыя работы ў рамках супрацоўніцтва з органамі дзяржаўнага кіравання, у прыватнасці МЗС Рэспублікі Беларусь. Супрацоўнікі ЦМД прымалі ўдзел у працы міжведамасных груп па падрыхтоўцы ініцыятыў Рэспублікі Беларусь у ААН, распрацоўцы заканадаўчых актаў адпаведнага профілю. У 2014-2015 гг. рэалізоўвалася заданне «Эфектыўнасць міжнароднага шматбаковага супрацоўніцтва ў знешняй палітыцы краіны ва ўмовах глабалізацыі і рэгіянальнай інтэграцыі (на прыкладзе Рэспублікі Беларусь)» у рамках дзяржаўнай праграмы навуковых даследаванняў «Гісторыя, культура, грамадства, дзяржава», падпраграма «Сацыялогія і філасофія».

Цэнтр міжнародных даследаванняў з'яўляецца асноўным выканаўцам з боку БДУ:

Пагаднення аб супрацоўніцтве паміж Казахстанскім інстытутам стратэгічных даследаванняў пры Прэзідэнце Рэспублікі Казахстан (www.kisi.kz);
Дамовы аб супрацоўніцтве паміж Беларускім дзяржаўным універсітэтам і Кітайскім інстытутам міжнародных праблем (www.ciis.org.cn);
Дамовы аб супрацоўніцтве паміж Беларускім дзяржаўным універсітэтам і Клайпедскім універсітэтам (www.ku.lt),
Мемарандума аб узаемаразуменні паміж Беларускім дзяржаўным універсітэтам і Універсітэтам Джадавпур ў г. Кольката (Рэспубліка Індыя);
Пратакола аб супрацоўніцтве паміж Беларускім дзяржаўным універсітэтам і Інстытутам стратэгічных даследаванняў (Ісламабад, Пакістан);
Мемарандума аб супрацоўніцтве паміж Інстытутам азіяцкіх даследаванняў Маулана Абул Калама Азад (MAKAIAS) (Кольката, Індыя) і Беларускім дзяржаўным універсітэтам.
У розныя гады ЦМД супрацоўнічаў з Інстытутам міжнародных стратэгічных даследаванняў Рэспублікі Бангладэш (www.biiss.org), Цэнтрам стратэгічных даследаванняў Універсітэта Эге (Ege University) (Турцыя, Ізмір) (Ege Strategic Research Center (ESAM), http://esam.ege.edu.tr/), Універсітэтам Экрем Чабей г. Гирокастры (Албанія).

За гады дзейнасці ЦМД арганізаваў і правёў каля 60 навуковых мерапрыемстваў; выпусціў у свет больш за 15 друкаваных навуковых выданняў. Супрацоўнікі ЦМД за перыяд 2010-2017 гг. апублікавалі 23 навуковыя артыкулы, 66 тэзісаў навуковых дакладаў, падрыхтавалі раздзелы ў калектыўнай манаграфіі.

 

Кантактная інфармацыя

  • Адрас: г. Мінск, вул. Ленінградская, 20
  • Паштовы адрас: 220030, г. Мінск, пр. Незалежнасці, 4
  • Тэлефон: +375 17 209 59 77
  • e-mail: fir@bsu.by

Мы ў сацыяльных сетках