Select your language
Select your language
25 чэрвеня 2025 года адбыўся выпуск слухачоў навучальных курсаў "Кітайская мова (першы год навучання)" на факультэце міжнародных адносін.
Слухачамі курсаў «Кітайская мова (першы год навучання)» сталі 9 чалавек: студэнты ФМА, студэнты СІБД БДУ, студэнтка Беларускага дзяржаўнага педагагічнага ўніверсітэта ім. М.Танка, супрацоўнік ЗАТ «Белзнешінвест».
Слухачы паспяхова справіліся з праграмай, вывучылі асновы кітайскай літаратурнай мовы путунхуа, яго фанетыку, базавую граматыку, лексіку і іерогліфіку.
У завяршэнні навучання слухачы выказалі падзяку і пакінулі станоўчыя водгукі аб праграме, адзначылі нефармальны падыход і прафесіяналізм выкладчыка кафедры ўсходніх моў Вікторыі Уладзіміраўны Клімовіч.
Жадаем нашым слухачам поспехаў у працы і наладжванні новых міжнародных сувязяў!
{gallery}2025/2025_06_25{/gallery}
Калектыў факультэта міжнародных адносін віншуе дацэнта кафедры рамана-германскіх моў міжнароднай прафесійнай дзейнасці, кандыдата філалагічных навук Вольгу Валянцінаўну Круглову з прысваеннем вучонага звання "дацэнт" па спецыяльнасці "Мовазнаўства".
Жадаем далейшых поспехаў і дасягненняў у навуковай і прафесійнай дзейнасці, рэалізацыі творчых задум!
Студэнты спецыяльнасці "Мытная справа" 23 чэрвеня ў рамках рэспубліканскага марафону моладзі і студэнцтва прадстаілі факультэт міжнародных адносін БДУ. Прэзентацыя выклікала вялікую цікавасць удзельнікаў.
Рэспубліканскі марафон моладзі і студэнцтва "Усё залежыць ад нас!" праходзіць у Беларусі з 23 па 29 чэрвеня 2025 года напярэдадні Дня моладзі і студэнцтва. Марафон стартуе ў Мінску, потым ахопіць усе вобласці. Гэта маштабная тыднёвая падзея аб'яднае актыўную моладзь з усіх рэгіёнаў нашай краіны.
{gallery}2025/2025_06_23{/gallery}
17 чэрвеня 2025 года прадстаўнікі Беларускага дзяржаўнага ўніверсітэта, Інстытута Кітая і сучаснай Азіі РАН, Інстытута даследавання сучаснага Кітая разам з Групай ганаровай варты ФМА БДУ урачыста ўсклалі кветкі да мемарыяла "Памяць у імя жывых".
Памятны мемарыял адкрыўся 5 мая 2017 года ва ўнутраным дворыку БДУ г. Мінска, што звязана з неабходнасцю захаваць памяць аб акадэмічнай і студэнцкай супольнасці ўніверсітэта, прадстаўнікі якога пайшлі на фронт і трагічна загінулі або прапалі без вестак.
Усяго каля 2000 выкладчыкаў, супрацоўнікаў і студэнтаў БДУ сталі ўдзельнікамі і сведкамі тых крывавых падзей. У першыя дні вайны добраахвотнікамі на фронт пайшлі каля 400 студэнтаў і 50 выкладчыкаў. Самааддана змагаліся з ворагам у партызанскіх атрадах і патрыятычным падполлі каля 780 супрацоўнікаў і студэнтаў БДУ.
Сёння вядома аб 79 героях, якія пайшлі на фронт з універсітэта і трагічна загінулі. Іх імёны занесены ў мемарыял "Памяць у імя жывых".
Супрацоўнікі і студэнты БДУ, якія загінулі ў гады Вялікай Айчыннай вайны
Таксама 17 чэрвеня 2025 года на пляцоўцы факультэта міжнародных адносін БДУ адбылася сустрэча прадстаўнікоў навуковай супольнасці Рэспублікі Беларусь, Расійскай Федэрацыі і Кітайскай Народнай Рэспублікі, на якой прайшла дыскусія па тэме: "Шматпалярнасць у кантэксце ўсепагоднага і ўсебаковага партнёрства дружалюбных дзяржаў".
А.В. Грабеннікаў, старшы выкладчык кафедры мытнай справы і міжнароднай лагістыкі
{gallery}2025/2025_06_17_02{/gallery}
Паважаныя абітурыенты! 28 чэрвеня 2025 г. на факультэце міжнародных адносін (вул. Ленінградская, 20) у аўд. 1201 у 10.00 адбудзецца сустрэча дэкана з абітурыентамі, якія паступаюць на ўмовах мэтавай падрыхтоўкі, і іх бацькамі.