На факультэце міжнародных адносін 18 лютага 2026 г. адбыўся Моладзевы круглы стол "Вынікі старшынства Рэспублікі Беларусь у органах ЕАЭС: дасягненні і перспектывы", арганізаваны кафедрай еўразійскіх даследаванняў. У навуковым мерапрыемстве прынялі ўдзел студэнты, магістранты, аспіранты беларускіх і расійскіх ВНУ.

Моладзевае навуковае мерапрыемства праходзіла ў вочна-дыстанцыйным фармаце і было накіравана на пашырэнне прафесійнага кругагляду і творчага ўзаемадзеяння моладзі. Асноўныя секцыйныя напрамкі работы:

Секцыя 1 "Перспектывы развіцця еўразійскай эканамічнай інтэграцыі на мытнай тэрыторыі ЕАЭС ва ўмовах знешніх выклікаў".

Секцыя 2 "Прававое рэгуляванне еўразійскай інтэграцыі: праблемы і ўдасканаленне".

Секцыя 3 "Міжнародная дзейнасць ЕАЭС: стан і магчымасці".

Секцыя 4 "Інтэлектуальная ўласнасць у навуковым і інавацыйным развіцці еўразійскай інтэграцыі".

У рамках секцыйнай работы студэнты, магістранты, аспіранты выступілі з дакладамі, дзе былі падведзены вынікі старшынства Рэспублікі Беларусь у органах ЕАЭС, абмеркаваны праблемы і перспектывы развіцця еўразійскай эканамічнай інтэграцыі, аспекты ўдасканалення прававога рэгулявання еўразійскай інтэграцыі, напрамкі развіцця міжнароднай дзейнасці ЕАЭС і значэнне інтэлектуальнай уласнасці ў навуковым і інавацыйным развіцці еўразійскай інтэграцыі. 

{gallery}2026/2026_02_18_02{/gallery}