24 верасня 2026 года на факультэце міжнародных адносін Беларускага дзяржаўнага ўніверсітэта адбыўся міжнародны круглы стол "Сусветная эканоміка ў эпоху развіцця штучнага інтэлекту".

Мерапрыемства было арганізавана кафедрай міжнародных эканамічных адносін ФМА БДУ і аб'яднала выкладчыкаў, студэнтаў і маладых даследчыкаў БДУ, Харбінскага політэхнічнага ўніверсітэта і Далянскага політэхнічнага ўніверсітэта. Да ўдзелу таксама былі запрошаны аспіранты і прадстаўнікі акадэмічнай супольнасці.

З прывітальнымі словамі да ўдзельнікаў звярнуліся намеснік дэкана па навуковай рабоце факультэта міжнародных адносін БДУ, дацэнт Алеся Пятроўна Рубо, загадчык кафедры міжнародных эканамічных адносін БДУ, дацэнт Наталля Вячаславаўна Юрава, а таксама прадстаўнікі кітайскіх універсітэтаў — дацэнт-даследчык Школы менеджменту Харбінскага політэхнічнага ўніверсітэта Су Цян і дацэнт Далянскага політэхнічнага ўніверсітэта Сунь Цзя.

Міжнародны склад удзельнікаў стварыў умовы для акадэмічнага дыялогу і далейшага развіцця супрацоўніцтва паміж універсітэтамі Беларусі і Кітая.
Правядзенне круглага стала стала пляцоўкай для абмеркавання сучасных тэндэнцый развіцця сусветнай эканомікі, абмену даследчым і адукацыйным вопытам, а таксама далучэння студэнтаў да абмеркавання актуальных пытанняў міжнародных эканамічных адносін і прымянення тэхналогій штучнага інтэлекту.