6 мая 2026г групы 1 і 2 курса спецыяльнасці «Міжнародныя адносіны», якія вывучаюць іспанскую мову пад кіраўніцтвам старшага выкладчыка Храмовіч Ю.М., прысутнічалі на ўрачыстым адкрыцці выставы «Легендарны камандантэ. Гераічная эпапея», прымеркаванай да 100-годдзя з дня нараджэння легендарнага лідара Кубінскай рэвалюцыі Фідэля Кастра (1926-2026).

Мерапрыемства праходзіла ў Нацыянальнай Бібліятэцы Рэспублікі Беларусь. У ім прынялі ўдзел прадстаўнікі Міністэрства замежных спраў Рэспублікі Беларусь, Нацыянальнага сходу Рэспублікі Беларусь, пасольстваў Кубы і Венесуэлы, палітычных партый і грамадскіх аб'яднанняў. У аснове экспазіцыі – матэрыялы з фонду Нацыянальнай бібліятэкі, агенцтва БелТА, архіваў Беларусі і Цэнтра Фідэля Кастра Рус (Гавана).

Асаблівую ўвагу экспазіцыя надае асобе Фідэля Кастра, яго біяграфіі, яго глабальнаму ўплыву на сусветную палітыку, ключавым пераўтварэнням на Кубе. Асаблівы акцэнт зроблены на гісторыі адносін з Рэспублікай Беларусь.