14 красавіка 2025г. у рамках правядзення Тыдня студэнцкай навукі студэнты 1 курса спецыяльнасцей "Міжнародныя адносіны" і "Міжнародная канфлікталогія", якія вывучаюць іспанскую мову, прынялі ўдзел у даследчай дыскусіі на тэму "Замежныя мовы ў эпоху тэхналогій: неабходнасць вывучэння ва ўмовах распаўсюджвання электронных перакладчыкаў і дадаткаў".
Агульнавядома, што вывучэнне замежных моў у эпоху тэхналогій, калі электронныя перакладчыкі і дадаткі становяцца ўсё больш даступнымі і дакладнымі, выклікае мноства абмеркаванняў. Удзельнікі дыскусіі дэталёва абмеркавалі на іспанскай мове ключавыя пункты даследуемай праблемы. Былі пералічаны і прааналізаваны слабыя і моцныя бакі і класічнага вывучэння моў, і выкарыстання толькі электронных памочнікаў пры неабходнасці ў іншамоўнай камунікацыі.
На заканчэнне дыскусіі студэнты прыйшлі да аднадушнай высновы, што нягледзячы на развіццё тэхналогій і даступнасць перакладчыкаў, вывучэнне замежных моў застаецца важным аспектам асобаснага і прафесійнага росту высокаадукаванага чалавека. Яно адкрывае новыя гарызонты, садзейнічае разуменню культур і паляпшае камунікацыю. А выкарыстанне тэхналогій можа быць карысным дадаткам да вывучэння мовы.
У практычнай частцы мерапрыемства студэнтам было прапанавана адгадаць вядомыя паэтычныя творы, перакладзеныя электронным перакладчыкам з рускай на іспанскую мову і з рускай на іспанскую і зноў на рускую мову. Студэнты паспяхова справіліся з пастаўленай задачай.
Даследчая дыскусія была арганізавана і праведзена выкладчыкамі іспанскай мовы кафедры рамана-германскіх моў міжнароднай прафесійнай дзейнасці Паляшчук В.Г. і Храмовіч Ю.М.
{gallery}2025/2025_04_14_03{/gallery}