Кафедра тэорыі і методыкі выкладання рускай мовы як замежнай

Кафедра тэорыі і методыкі выкладання рускай мовы як замежнай як самастойнае структурнае падраздзяленне БДУ была створана ў 1971 г. Неабходнасць яе стварэння была прадыктавана рэзкім павелічэннем колькасці замежных навучэнцаў, якія прыехалі на навучанне ў БДУ. Да 2000 г. кафедра была агульнаўніверсітэцкай, а затым увайшла ў склад факультэта міжнародных адносін. За гады існавання кафедры на ёй прайшлі навучанне больш за чатыры з паловай тысячы замежных студэнтаў, магістрантаў, аспірантаў, стажораў і слухачоў. У цяперашні час на кафедры навучаецца звыш 600 замежных навучэнцаў. Пры кафедры працуюць інтэнсіўныя і кароткатэрміновыя курсы па рускай мове, на якіх штогод навучаецца каля 50 замежных слухачоў з краін Заходняй Еўропы, Японіі і Карэі, а таксама супрацоўнікі пасольстваў і дыпламатычных місій, акрэдытаваных у Рэспубліцы Беларусь.

Загадчык кафедры – доктар філалагічных навук, дацэнт Сяргей Іванавіч Лебядзінскі.