2024 год
 |
30 мая 2024 г. загадчык кафедры комплекснага вывучэння развіцця КНР ФМА БДУ, доктар палітычных навук, дацэнт Есін Р.А. і дырэктар Цэнтра міжнародных даследаванняў ФМА БДУ Беленчанка М.М. прынялі ўдзел у навукова-практычнай канферэнцыі па пытаннях міжнародных адносін і развіцця расійска-кітайскага супрацоўніцтва ў галіне навуковых даследаванняў, арганізаванай МДІМЗ сумесна з Кітайскай акадэміяй міжнародных праблем. У рамках гэтага мерапрыемства беларускія ўдзельнікі падзяліліся з расійскімі і кітайскімі калегамі сваімі назіраннямі і ацэнкамі сучасных працэсаў у сусветнай палітыцы. |
16 мая 2024 г. прадстаўнікі кафедры камплекснага вывучэння развіцця КНР прымалі ўдзел у сустрэчы даследчыкаў і экспертаў, якія спецыялізуюцца на вывучэнні пытанняў супрацоўніцтва Рэспублікі Беларусь і Кітайскай Народнай Рэспублікі, а таксама ролі сучаснага Кітая ў пабудове новай архітэктуры міжнародных адносін. Сустрэча праходзіла ў Беларускім таварыстве сяброўства і культуры звязаў з замежжам. Вялікую цікавасць у ўдзельнікаў мерапрыемства выклікала выступленне Надзвычайнага і Паўнамоцнага Пасла Кітайскай Народнай Рэспублікі ў Рэспубліцы Беларусь Се Сяояна па тэме "Гісторыя Тайванскага пытання і асноўныя праблемы яго рашэння".
2 мая 2024 г. супрацоўнікі кафедры комплекснага вывучэння развіцця КНР прынялі ўдзел у патрыятычнай акцыі ФМА БДУ "Разам успомнім подзвіг герояў (1944 - 2024)", прысвечанай 80-годдзю вызвалення Беларусі.
«80 гадоў таму гераічны і слаўны беларускі народ разам з іншымі брацкімі народамі прагнаў нямецка-фашысцкую гідру і іх паслугачоў з нашай зямлі. Менавіта старэйшае пакаленне на палях бітваў, у партызанскіх атрадах, падполлі і тыле кавалі Вялікую Перамогу. Шнары той страшнай вайны назаўжды застануцца ў памяці народа і служаць папярэджаннем для тых, хто зноў спрабуе прыйсці ў наш мірны дом», - адзначыў у сваім выступленнi загадчык кафедры комплекснага вывучэння развіцця КНР, доктар палітычных навук Р.А. Есін.
27 красавіка 2024 г. прадстаўнікі кафедры комплекснага вывучэння развіцця КНР сумесна з групай магістрантаў ФМА БДУ ў рамках наладжвання міжвузаўскага ўзаемадзеяння прынялі ўдзел у тэматычным мерапрыемстве, арганізаваным філіялам Расійскага дзяржаўнага сацыяльнага ўніверсітэта ў г. Мінск.
 |
25 красавіка 2024 г. прадстаўнікі кафедр комплекснага вывучэння развіцця КНР і ўсходніх моў сумесна з магістрантамі і студэнтамі факультэта міжнародных адносін Беларускага дзяржаўнага ўніверсітэта прынялі ўдзел у сустрэчы з айцом Паўлам – настаяцелем храма свяціцеля Мікалая Японскага ў Мінску. Удзельнікі сустрэчы абмяняліся інфармацыяй аб навуковых даследаваннях, у прыватнасці, звязаных з духоўнай і дыпламатычнай місіяй выдатнага сына беларускай зямлі, першага консула Расійскай імперыі ў Японіі – Іосіфа Гашкевіча і яго жонкі Лізаветы. Адмысловая ўвага была нададзена ролі арцыбіскупа святога Мікалая Японскага ў распаўсюджванні праваслаўных традыцый і культуры ў Японіі. |
12 красавіка 2024 г. На ФМА адбыўся міжнародны круглы стол на тэму "Беларуска-кітайскія адносіны на сучасным этапе: стан і перспектывы развіцця"