Кафедра англійскай мовы эканамічных спецыяльнасцяў дзякуе ўсім студэнтам і супрацоўнікам ФМА, якія прынялі ўдзел у мерапрыемствах штогадовага Каляднага праекта "Twelve Days of Christmas"!
Святочны настрой і жаданне дзяліцца ўсмешкамі і цяплом цэлы год нам падарылі ўдзельнікі Каляднага кірмаша, студэнты спецыяльнасцяў «Сусветная эканоміка», «Менеджмент у сферы міжнароднага турызму» і «Мытная справа».Былі падрыхтаваны дзіўна смачныя і прыгожыя прысмакі, прычым у ролі кандытараў выступілі не толькі дзяўчынкі, але і юнакі! Як на самым сапраўдным калядным кірмашы, тут можна было пакаштаваць імбірнага печыва, кексаў з беласнежным айсінгам, гарачай гарбаты з мёдам і карыцай, сапраўднага безалкагольнага грогу. Добрай традыцыяй мерапрыемстваў кафедры англійскай мовы эканамічных спецыяльнасцяў стаў удзел у іх замежных студэнтаў з Туркменістана, якія пазнаёмілі гасцей кірмашу са стравамі нацыянальнай кухні.
Вялікую цікавасць выклікалі майстар-класы, прапанаваныя студэнтамі: аквагрым face-art і фэшн-кансультацыі з падборам індывідуальных камплектаў і акцэнтных аксэсуараў ад студэнтак 4 курса спецыяльнасці "Менеджмент у сферы міжнароднага турызму". Святочна ўпрыгожылі праект унікальныя паштоўкі ручной работы і маляўнічыя насценгазеты, выкананыя ў розных тэхніках самымі таленавітымі студэнтамі факультэта.
Адчуванне казкі і чароўнага балю стварылі жывая скрыпічная музыка і запальная песня ў выкананні студэнтак спецыяльнасці "Сусветная эканоміка». Госці кірмашу з задавальненнем прынялі ўдзел у інтэрактыўных заданнях "Убяры елачку» і «Прадказанні», падрыхтаваных студэнтамі 4 курса спецыяльнасці "Мытная справа".
Падчас кірмашу праходзіў збор ахвяраванняў на ўзвядзенне недалёка ад студэнцкай вёскі (Брылевічы) праваслаўнага храма ў гонар Прападобнага Сергія Раданежскага. Сабраныя сродкі будуць перададзены ў парафію разам з запіскамі аб здароўі і шчаслівым завяршэнні навучальнага года для ўсіх дабрачынцаў.
Па традыцыі ў рамках Каляднага праекта "Twelve Days of Christmas" праходзіць дабрачынная акцыя "Help a Little!". У гэтым годзе дзякуючы ўдзельнікам дабрачыннай латарэі і ахвяраванням удзельнікаў і гасцей кірмашу былі сабраны сродкі, на якія будуць набыты сродкі гігіены і дзіцячы посуд для малых, забраных з сем'яў і якія знаходзяцца ў 14-ым аддзяленні Гарадской дзіцячай інфекцыйнай клінічнай бальніцы.
Ад усёй душы дзякуем усім удзельнікам і гасцям Праекта, жадаем паспяховага завяршэння навучальнага года, светлых святаў, радасці і дабра ў надыходзячым годзе! Будзем рады бачыць вас на найбліжэйшым мерапрыемстве кафедры англійскай мовы эканамічных спецыяльнасцяў — «Шырокая масленіца: вясновы фестываль культур».
Дар'я Бяглова, студэнтка 4 курса спецыяльнасці "Менеджмент у сферы міжнароднага турызму»
