Подождите, идет загрузка сайта ...

Каманда факультэта міжнародных адносін БДУ перамагла каманду Гарвардскага ўніверсітэта ў фінале конкурсу па міжнародным камерцыйным арбітражы ICC Lex mercatoria.

Пасля бліскучых вынікаў на конкурсе па міжнародным праве ім. Джэсапа ў Вашынгтоне ў 2016 г., студэнты аддзялення "Міжнароднае права" ФМА БДУ ўчора ў чарговы раз даказалі, што іх прафесійная падрыхтоўка на ўзроўні сусветных стандартаў, а таксама тое, што ім няма роўных у краіне і рэгіёне ў конкурсах па міжнароднаму праву на англійскай мове.

Студэнткі ФМА аддзялення "Міжнароднае права" Лізавета Трахаліна і Кацярына Шкарбута (5 курс) абыгралі ў фінале конкурсу па міжнародным гандлёвым праве і камерцыйным арбітражы ICC Lex mercatoria студэнтаў Гарвардскага ўніверсітэта. Такім чынам, ФМА БДУ стаў пераможцам у англамоўнай секцыі конкурсу.

Конкурс ICC Lex mercatoria — міжнародны конкурс па міжнародным гандлёвым праве і камерцыйным арбітражы — праводзіцца ў Мінску на юрыдычным факультэце БДУ пры падтрымцы Міжнароднага арбітражнага суда (ICC) з 2012 года.

Да 2016 г. конкурс быў рускамоўны. У гэтым годзе, упершыню, для пашырэння геаграфіі ўдзельнікаў конкурс праводзіўся на дзвюх мовах: у рамках рускамоўнай секцыі і англамоўнай секцыі, сярод удзельнікаў якой: Гарвардскі ўніверсітэт (ЗША), Лісабонскі ўніверсітэт (Партугалія), Вышэйшая школа эканомікі (Расія), Адэская юрыдычная акадэмія (Украіна), Казахстанскі інстытут эканомікі, менеджменту і прагназавання (Казахстан), а таксама беларускія ВНУ — БДЭУ, МІПСА, Гродзенскі ўніверсітэт ім. Я. Купалы.

Поўны склад каманды-пераможцы: Лізавета Трахаліна, Кацярына Шкарбута, Арцём Мельніковіч (5 курс), Лізавета Чаканава (4 курс).

Другая каманда ФМА БДУ, якая ўдзельнічала ў англамоўнай секцыі конкурсу (Аляксей Пірожкін і Ксенія Астапенка, 5 курс, міжнароднае права), стала лепшай па пісьмовай пазіцыі як за істца, так і за адказчыка, заваяваўшы прыз у намінацыі «Веstmemorial».

Пераможцам сярод каманд, якія спаборнічаюць на рускай мове, стала каманда юрыдычнага факультэта БДУ.

Віншуем і ганарымся! ФМА — проста лепшыя!

 

Кантактная інфармацыя

  • Адрас: г. Мінск, вул. Ленінградская, 20
  • Паштовы адрас: 220030, г. Мінск, пр. Незалежнасці, 4
  • Тэлефон: +375 17 209 59 77
  • e-mail: fir@bsu.by

Мы ў сацыяльных сетках