Студэнты, якія вывучаюць шведскую мову як другую замежную на факультэце міжнародных адносін БДУ, сустрэліся з прадстаўніком Шведскага Інстытута Шарлотай Йуансон і паэтам Арнэ Йонсоном.

Шведскі Інстытут — гэта арганізацыя, якая займаецца ўмацаваннем супрацоўніцтва паміж Швецыяй і іншымі краінамі ў галіне культуры і навукі і ў тым ліку прадастаўляе стыпендыі для працягу вывучэння шведскай мовы ў Швецыі. Шарлота Йуансон праінфармавала прысутных аб актуальных праектах Шведскага Інстытута.

Арнэ Йонсон зрабіў кароткае ўвядзенне ў сучасную літаратуру Швецыі, прэзентаваўшы шэраг мастацкіх твораў, якія ўжо заваявалі папулярнасць у Шведскім Каралеўстве.

Студэнты праявілі вялікую зацікаўленасць у абмяркоўванні прапанаваных тэм. Знаёмства з найноўшымі кніжнымі выданнямі Швецыі яны змаглі працягнуць падчас літаратурнага семінара, які прайшоў пад кіраўніцтвам Арнэ Йонсона ў Цэнтры шведскіх даследаванняў.