Подождите, идет загрузка сайта ...

17 кастрычніка 2016 г. на кафедры англійскай мовы эканамічных спецыяльнасцяў адбылася сустрэча студэнтаў 4 курса спецыяльнасці "Мытная справа" з магістранткай Стэфані Бергер (ЗША), якая праходзіць стажыроўку на факультэце міжнародных адносін. У сваім выступе прадстаўніца Амерыкі ярка, на канкрэтных прыкладах, абмалявала карціну дзейнасці Мытна-памежнай службы ЗША на сучасным этапе, а таксама адзначыла ролю і падтрымку дзяржавы ў яе паспяховым развіцці. Пры гэтым асаблівае месца было нададзена практыцы ўкаранення інфармацыйных сістэм і тэхналогій у сферы мытнай справы на прыкладзе ЗША. Таксама Стэфані пазнаёміла ўдзельнікаў сустрэчы з сістэмай адукацыі Злучаных Штатаў Амерыкі і падзялілася вопытам падрыхтоўкі маладых спецыялістаў у сферы мытнай справы і іншых галінах.

Пасля свайго выступу Стэфані Бергер дэталёва адказала на пытанні прысутных пра ролю міжнароднага вопыту ў развіцці мытнай службы, удасканаленне работы мытных органаў ЗША і Рэспублікі Беларусь у сферы адначасовага спрашчэння працэдур гандлю і забеспячэння нацыянальнай бяспекі. Акрамя таго, падчас размовы прысутныя студэнты і Стэфані ўзнялі пытанне аб культуры Беларусі і ЗША, беларускай і англійскай мовах і прыйшлі да высновы, што для міжкультурных зносін не існуе межаў.

Пасля заканчэння сустрэчы студэнты і выкладчыкі кафедры англійскай мовы эканамічных спецыяльнасцяў падзякавалі замежнаму дакладчыку за візіт і цікавае выступленне.

Кацярына Сушко, студэнтка 4 курса спецыяльнасці "Мытная справа"

 

Кантактная інфармацыя

  • Адрас: г. Мінск, вул. Ленінградская, 20
  • Паштовы адрас: 220030, г. Мінск, пр. Незалежнасці, 4
  • Тэлефон: +375 17 209 59 77
  • e-mail: fir@bsu.by

Мы ў сацыяльных сетках