24 мая 2016 года на кафедры англійскай мовы эканамічных спецыяльнасцяў адбылася традыцыйная штогадовая вэб-канферэнцыя на англійскай мове з удзелам студэнтаў ФМА і студэнтаў Маскоўскага фінансавага ўніверсітэта пры Урадзе РФ.
У мерапрыемстве, якое праходзіла пад кіраўніцтвам заг. кафедры англійскай мовы эканамічных спецыяльнасцяў дацэнта С. А. Дубінка і старэйшага выкладчыка А. В. Пільгун, прымалі ўдзел студэнты спецыяльнасці "Сусветная эканоміка», а таксама больш за 20 студэнтаў Маскоўскага фінансавага ўніверсітэта пры Урадзе РФ.
Тэлемост — гэта ўнікальнае мерапрыемства, якое дае студэнтам, якія знаходзяцца на адлегласці больш за 800 км. адзін ад аднаго, магчымасць ужывую падзяліцца назапашанымі ведамі, абмяняцца набытым вопытам, абмеркаваць актуальныя эканамічныя і сацыяльныя праблемы, задаць свае пытанні і ў цэлым цікава і з карысцю правесці час. Менавіта таму такі фармат мерапрыемстваў так любімы студэнтамі і колькасць удзельнікаў вэб-канферэнцый з кожным годам павялічваецца.
Тэлемасты са студэнтамі такіх вядомых універсітэтаў як МГІМО і Маскоўскі фінансавы ўніверсітэт пры Урадзе РФ праводзяцца на ФМА кожны год. Пад час апошняй, майскай канферэнцыі, абмяркоўваліся пытанні культурных стэрэатыпаў і міжкультурных асаблівасцяў, правілы вядзення бізнесу і бізнес этыкету, прынятыя ў розных краінах. Закраналіся таксама такія актуальныя эканамічныя пытанні і сацыяльныя праблемы, як міграцыйны крызіс у краінах ЕС, увядзенне ЕС санкцый супраць РФ і іх уплыў на развіццё малога і сярэдняга бізнесу Саюзнай дзяржавы.
Актуальнасць тым дакладчыкаў, а таксама высокі ўзровень падрыхтоўкі і прадстаўлення імі сваіх работ дазволілі студэнтам вывучыць новыя грані, здавалася б, дасканала прапрацаваных тэм, а таксама знайсці для сябе шмат новага. Паколькі канферэнцыя традыцыйна праводзіцца на англійскай мове, нашы студэнты змаглі на практыцы прадэманстраваць бліскучыя веды лексікі, атрыманыя ў рамках аспекту «Дзелавыя зносіны». Актыўныя абмеркаванні і вялікая колькасць пытанняў, якія суправаджалі кожны выступ, лішні раз даказваюць зацікаўленасць студэнтаў у мерапрыемствах такога роду, абмене вопытам, іх адкрытасці і гатоўнасці да набыцця новых і замацаванню ўжо атрыманых ведаў. Сам факт таго, што мерапрыемства такога фармату праводзіцца на ФМА ўжо даўно, дазваляе казаць аб паспяховым доўгатэрміновым супрацоўніцтве паміж нашымі ўніверсітэтамі.
Пасля заканчэння мерапрыемства студэнты па традыцыі сумесна выканалі песню. У гэтым годзе была абрана кампазіцыя "Lemon Tree". Нагадаем, што традыцыя выканання песень у канцы кожнага тэлемосту зарадзілася ў мінулым годзе, калі наша студэнтка ў якасці «развітальнага падарунка» выканала песню «It's my life». Выступ настолькі спадабаўся нашым маскоўскім сябрам, што ў гэтым годзе яны самі прапанавалі скончыць канферэнцыю такім жа чынам і выбралі песню для сумеснага выканання ў якасці заключнага акорда вэб-канферэнцыі.
У падрыхтоўцы і правядзенні гэтага мерапрыемства прымалі ўдзел студэнты 4-га курса спецыяльнасці "Сусветная эканоміка»: Няборская Марыя, Шмярко Уладзіслаў, Шагава Анастасія, Шумік Крысціна, Ігнацьеў Уладзіслаў, Лук'янчык Ангеліна, Чалай Караліна, Гур'янава Дар'я, Цюцерава Аляксандра, Лапіцкая Дар'я, Сырыца Юлія, Канавалаў Пётр, студэнтка 2-га курса Філімонава Вольга, а таксама студэнты 1-га курса Пінчук Кацярына і Ларковіч Крысціна.
Анастасія Шагава, студэнтка 4-га курса аддзялення "Сусветная эканоміка»
{gallery}2016/2016_05_24{/gallery}