Студэнты факультэта міжнародных адносін Беларускага дзяржаўнага ўніверсітэта Антон Майдан (2 курс), Ціханавец Гертруда (2 курс), Бычкова Кацярына (2 курс) прыняла актыўны ўдзел у "IBS CASE CONTEST 2016", які адбыўся 21 красавіка ў Расійскім эканамічным універсітэце ім. Пляханава.
На працягу ўсяго кейс-турніру ўдзельнікі, а ўсяго было 12 каманд з МДУ, Расійскага эканамічнага ўніверсітэта і Усерасійскай Акадэміі, маглі адчуць сябе сапраўднымі топ-мэнэджарамі кампаній. Перад пачаткам спаборніцтваў Данііл Захараў, фінансавы кансультант кампаніі General Invest, павітаў каманды і пажадаў ім поспеху.
Камандам давалася 1,5 гадзіны на азнаямленне з матэрыяламі кейса і стварэнне прэзентацыі. Затым студэнтам прапаноўвалася прадставіць вынікі сваёй працы за адносна кароткі час — 3 хвіліны. Пасля выступу журы задавала ўдзельнікам пытанні для ўдакладнення найбольш складаных момантаў кейса. Працоўная мова спаборніцтва — англійская.
Кейс, прадастаўлены для вырашэння, быў даволі складаным, што зрабіла ўвесь працэс вельмі напружаным, але і займальным. Турнір зблізіў студэнтаў і паспрыяў развіццю аналітычных, прэзентацыйных і камандных навыкаў, а таксама ўмення правільна распараджацца часам. Больш за тое, "IBS CASE CONTEST 2016" стаў выдатнай магчымасцю для таго, каб паказаць свае ўменні эфектыўна і пераканаўча выкарыстоўваць англійскую мову, што з поспехам прадэманстравалі нашы студэнты, якія занялі 4 месца ў турніры. Аналіз кейса, лагічнае мысленне, моўныя і прэзентацыйныя навыкі нашай каманды былі высока ацэнены вопытнымі членамі журы: Д. А. Эпіфанавым — Кіраўніком Міжнароднага аддзела Рэктарата ўніверсітэта ім. Пляханава, Е. Е. Сідаравай, дацэнтам кафедры эканомікі і незалежнымі суддзямі: Cambridge English Language Assessment, EY, Integral Projects, Macmillan, Unilever.
Л. А. Морава, кіраўнік праекта, старшы выкладчык кафедры англійскай мовы эканамічных спецыяльнасцяў
Студэнты аддзялення "Сусветная эканоміка"
