Нізкі Паклон Вам, Дарагія Ветэраны!
Дзень Перамогі — цудоўнае светлае свята. Прайшло больш за 70 гадоў з тых страшных падзей, але мы памятаем подзвігі нашых родных і блізкіх, якім мы абавязаны светлай будучыняй.
У гонар выдатнага свята на факультэце адбылася сустрэча студэнтаў 2-га курса аддзялення "Сусветная эканоміка" з ветэранам Вялікай Айчыннай вайны Пятром Іванавічам Карпіловічам, арганізаваная кафедрай англійскай мовы эканамічных спецыяльнасцяў.
Пётр Іванавіч (1926 года нараджэння) быў прызваны ў рады Чырвонай Арміі ва ўзросце 18 гадоў і ў складзе сухапутных войскаў, пехацінцам, быў накіраваны на заходнюю мяжу. Першая баявая аперацыя, у якой ён прыняў удзел, — фарсіраванне ракі Віслы. Пазней ён удзельнічаў у баях за вызваленне Польшчы і далей, па меры прасоўвання савецкіх войскаў на захад, — Германіі. Вялікую Перамогу Пётр Іванавіч сустрэў на Эльбе.
Паслухаць расказ ад першай асобы, пачуць жывыя ўспаміны франтавіка і сведкі-ўдзельніка Вялікай Айчыннай вайны — вось што было важным і цікавым на сустрэчы. Нам цяжка ўявіць, што прыйшлося перажыць нашым аднагодкам таго часу, цяперашнім ветэранам, і праз якія цяжкасці яны прайшлі, выстаялі і перамаглі!
Мы кажам «ВЯЛІКІ ДЗЯКУЙ!» усім ветэранам за наша шчаслівае, вольнае жыццё і заўсёды будзем памятаць, якой цаной дасталася гэтая перамога!
Арганізатарамі сустрэчы выступілі дацэнт А. І. Маркаосьян, старшы выкладчык Л. А. Морава, старшы выкладчык В. П. Турло
