23 красавіка 2016 года ўвесь свет адзначаў чатырохсотую гадавіну з дня смерці Уільяма Шэкспіра, нацыянальнага паэта Англіі і найвялікшага драматурга ўсіх часоў і народаў. Клуб перакладчыкаў (кафедра англійскай мовы гуманітарных спецыяльнасцяў) не мог абысці бокам гэту знамянальную падзею. Ён у чарговы раз расчыніў свае дзверы прыхільнікам вуснага перакладу, каб разам ушанаваць памяць вялікага англійскага паэта, пранікнуцца духам яго цудоўных твораў, распавесці і даведацца што-небудзь новае з яго жыцця і творчасці.
Праграма майскага пасяджэння была вельмі насычанай, цікавай і разнастайнай. На гэты раз фармат пасяджэння быў некалькі зменены. Мы не чыталі і не перакладалі падрыхтаваныя прамовы на зададзеную тэму, як робім на звычайным пасяджэнні. У сур'ёзнай і жартаўлівай форме адбіваліся важныя вехі жыццёвага і творчага шляху «Эйванскага барда», як яго называюць на радзіме. Сярод іншых нумароў праграмы прагучалі выдатныя санеты Шэкспіра, якія члены Клуба выканалі не толькі на англійскай і рускай, але, улічваючы тую разнастайнасць моў, якія вывучаюць нашыя студэнты, таксама на нямецкай, кітайскай і турэцкай мовах. У чытанні санетаў прыняла ўдзел і заснавальнік Клуба перакладчыкаў Элеанора Аляксандраўна Дзмітрыева, які прачытала свой любімы санет №23.
Акрамя таго, члены Клуба падрыхтавалі цікавыя відэа-сюжэты, якія распавядалі пра сучасныя фільмы, дзе былі выкарыстаны матывы твораў Шэкспіра, а таксама аб шматлікай групе слоў, аўтарства якіх належыць англійскаму паэту. У канцы пасяджэння публіку чакалі цікавыя конкурсы, у якіх прынялі актыўны ўдзел госці Клуба. Дзве каманды павінны былі за 5 хвілін сабраць пазл з партрэтам Уільяма Шэкспіра. Яшчэ адным конкурсам стала займальная віктарына пра жыццё і творчасць Шэкспіра. Пераможцы атрымалі салодкія прызы, а публіка — новыя веды пра Уільяма Шэкспіра.
Апошняе ў гэтым навучальным годзе пасяджэнне Клуба перакладчыкаў завяршылася на радаснай і пазітыўнай ноце. Вучоба і весялосьць спляліся разам і прынеслі ўсім гасцям новыя веды, станоўчыя эмоцыі і выдатны настрой.
Сачыце за навінамі на сайце Клуба: vk.com (http://vk.com/interpreter_club). Да новых сустрэч!
{gallery}2016/2016_05_16{/gallery}