4 мая на факультэце міжнародных адносін адбылося свята партугальскай мовы і культуры краін, дзе размаўляюць па-партугальску,  у азнаменаванне 20-ай гадавіны ўтварэння Супольнасці партугалагаворачых краін.

У святочных мерапрыемствах прынялі ўдзел дэкан ФМА В. Г. Шадурскі, Пасол Федэратыўнай Рэспублікі Бразілія ў Рэспубліцы Беларусь Пауло Антоніа Пярэйра Пінта, супрацоўнікі бразільскай амбасады, студэнты з Мазамбіка, якія навучаюцца ў Рэспубліцы Беларусь, прадстаўнікі школ капаэйры горада Мінска і студэнты ФМА, якія вывучаюць партугальскую мову.