З 4 па 25 красавіка 2016 года на стадыёне спарткомплексу "Універсітэцкі» прайшлі гульні першынства БДУ па футболе сярод каманд факультэтаў. Каманда ФМА — леташні сярэбраны прызёр гэтага турніру, таму паказваць слабасць супернікам не збіралася, нягледзячы на тое, што тры гульца асноўнага складу ў мінулым годзе скончылі вучобу ва ўніверсітэце. Першы блін, праўда, традыцыйна выйшаў комам. Стартавая сустрэча з камандай фізічнага факультэта ледзь не стала горкай пілюляй. Прайграючы 2: 0 пасля першай паловы, да канца гульні ўдалося аднавіць парытэт і скончыць матч унічыю. Пасля гэтага нашы хлопцы ўжо не дазвалялі сабе расслабляцца. Цудоўныя перамогі над камандамі ФФіСН і ваеннага факультэта вывелі нашу каманду ў чвэрцьфінал, дзе супернікам была зборная мехмата. Выніковы лік 3:0 на нашу карысць і ў паўфінале нас чакае леташні чэмпіён — каманда факультэта прыкладной матэматыкі. Гульня атрымалася цяжкай, было шмат барацьбы ў цэнтры і на подступах да штрафной, але выніковы лік на нашу карысць. І вось фінал. Сапернік — каманда юрыдычнага факультэта. З першых хвілін юрысты прадэманстравалі, што настроены рашуча. Уся першая палова матчу прайшла пад іх дыктоўку, але ў другім тайме ў нас на поле выйшаў Леслі Джэфрой. З'яўленне гэтага гульца ў цэнтры нападзення прымусіла супернікаў агаліць флангі ў абароне. Гэтым і здолелі скарыстацца нашы майстры скуранога мяча. 2:0 і дзесяць хвілін да канца гульні, але супернік здавацца не збіраўся. Адна з атак завяршаецца ўзяццем нашых варот. І вось тут пачынаецца барацьба і на грані фолу і з фолами. Выдаленне з поля нашага капітана за другую жоўтую картку натхніла супернікаў. Пачаўся сапраўдны штурм нашых варот. Але дзякуючы кіперу Арцёму Русаку і абароне на чале з Мерданом Ачылавым вароты ўдалося захаваць у недатыкальнасці. Фінальны свісток суддзі зафіксаваў на табло вынік матчу — 2:1 на нашу карысць. Упершыню за дваццацігадовую гісторыю выступлення камандзе ФМА ўдалося выйграць першынства БДУ па футболе.
Дружную каманду да перамогі прывялі капітан каманды Яўген Жых, яго памочнік Аляксандр Карнейчык, цэнтральны паўабаронца Данііл Янкоўскі. А яшчэ за каманду ФМА гулялі Мердан Ачылаў, Яўген Цыбульскі, Уладзіслаў Пачкоўскі, Арцём Жукоўскі, Ілля Грышын, Аляксей Поддубняк, Стэфан Карасёў, Леслі Джэфры, Кірыл Яўсееў, Аркадзь Давідовіч, Кірыл Бельцаў, Арцём Русак, Максім Шульган, Шахназар Табавілаў, Назар Мамедаў.
{gallery}2016/2016_04_27{/gallery}