20 красавіка Упраўленне па справах культуры Беларускага дзяржаўнага ўніверсітэта запрашае ў Ліцэй БДУ на «ВЯЛІКІ КРАСАВІЦКІ КАНЦЭРТ».
Мерапрыемства адбудзецца ў рамках 2-ого этапу рэспубліканскага агляду-конкурсу мастацкіх калектываў і індывідуальных выканаўцаў устаноў вышэйшай адукацыі "АРТ-вакацыі — 2016».
Удзельнікамі канцэрта стануць творчыя калектывы і выканаўцы Беларускага дзяржаўнага ўніверсітэта, Акадэміі кіравання пры Прэзідэнце Рэспублікі Беларусь і міжнароднага ўніверсітэта "МІПСА", сярод якіх:
- Заслужаны аматарскі калектыў Рэспублікі Беларусь ансамбль танца «Крыжачок» БДУ
- Ансамбль танца «Глорыя» БДУ
- Чэрлідынг-калектыў «DANSTART»
- Студэнцкі танцавальны калектыў «FREAKS»
- Народны фальклорны ансамбль "Тутэйшая шляхта" БДУ
- Фольк-бэнд «Неруш" БДУ
- Народны аркестр народных інструментаў БДУ
- Народная студэнцкая харавая капэла БДУ
Спецыяльны нумар — «Прысвячэнне ветэранам Вялікай Айчыннай вайны" ў тэхніцы «малюнкі на пяску» ( «пескаграфіі») — прадставіць Віцэ-Міс International БДУ БІБІДЖАМАЛ РАДЖЭПАВА.
А таксама ў канцэрце прымуць удзел:
- Лідзія Заблоцкая — удзельніца міжнароднага конкурсу «Дзіцячае Еўрабачанне — 2011» у Арменіі, лаўрэат рэспубліканскіх конкурсаў і фестываляў.
- Уладзіслаў Макарэвіч і Юлія Гулько —Лаўрэаты Мінскага гарадскога конкурсу патрыятычнай песні і іншых конкурсаў
- Лізавета Гарбузова — пераможца Мінскага гарадскога конкурсу патрыятычнай песні, лаўрэат рэспубліканскіх конкурсаў і фестываляў.
- ALEN HIT— спявак і кампазітар, удзельнік тэлепраектаў «Акадэмія талентаў» (АНТ), "Хачу да Меладзе» (ОРТ — Расія) і «X-ФАКТОР» (СТС — Украіна).
- Уладзіслаў Чыжыкаў — пераможца праекта «Акадэмія талентаў — 2» тэлеканала АНТ, саліст групы «Радыёхваля», удзельнік нацыянальнага адборачнага тура «Еўрафэст-2016».
Мерапрыемства адбудзецца 20 красавіка ў Ліцэі БДУ (вул.Ульянаўская, 8). Пачатак - 17.00. Уваход вольны!
