У рамках прафарыентацыйнага праекта «Клічу ў сваю прафесію» на кафедры англійскай мовы гуманітарных спецыяльнасцяў адбылася незабыўная сустрэча з Міхаілам Раманавічам Грыдневым, лінгвістам, прафесійным перакладчыкам, дацэнтам кафедры "Міжкультурная камунікацыя» Інстытута сучасных ведаў імя. А. М. Шырокава. Міхаіл Раманавіч доўгі час працаваў ваенным перакладчыкам у Еўропе, ЗША, Афрыцы, скончыў службу начальнікам кафедры ваеннага перакладу ў Мінскім дзяржаўным лінгвістычным універсітэце. Ён з'яўляецца аўтарам унікальнага курсу "Міжкультурная кампетэнцыя ў прафесійнай дзейнасці», асноўная задача якога – паглыбіць веды і здабыць практычныя навыкі ў галіне міжкультурнай камунікацыі.
У час займальнай гутаркі з М. Р. Грыдневым студэнты аддзялення "Міжнароднае права" атрымалі шмат карыснай інфармацыі аб прафесійнай кампетэнцыі перакладчыка, прафесійнай этыцы перакладчыка, асноўных правілах прафесійнаых паводзінаў, навыках міжкультурных зносін і міжнароднага этыкету. М. Р. Грыднеў акцэнтаваў увагу на тым, што для паспяховай камунікацыі з прадстаўнікамі іншых культур патрэбна не толькі свабоднае валоданне замежнымі мовамі, валоданне інфармацыйнымі тэхналогіямі ў сферы лінгвістыкі, але і трывалыя веды пра тып культуры, спецыфіку нацыянальнага характару, аб асноўных нормах і правілах паводзінаў у іншамоўнай культуры. Гэта дазволіць выпускнікам эфектыўна ажыццяўляць прафесійную дзейнасць, паспяхова працаваць у абранай сферы дзейнасці і быць запатрабаванымі на рынку працы.
Выкладчыкі кафедры англійскай мовы выказваюць падзяку Міхаілу Рамановічу Грыдневу за займальнае знаёмства з прафесійнай прасторай перакладчыцкай дзейнасці і жадаюць яму далейшых творчых поспехаў.
