На кафедры англійскай мовы эканамічных спецыяльнасцяў адбылася выніковая навуковая канферэнцыя на тэму «Cultural awareness in business communication». Арганізатарам канферэнцыі па найбольш актуальных пытаннях міжкультурных адрозненняў у вядзенні бізнесу выступіла загадчык кафедры дацэнт С. А. Дубінка. Удзельнікамі канферэнцыі былі студэнты 5 курса спецыяльнасці "Сусветная эканоміка». На канферэнцыі прысутнічалі старэйшая выкладчыкі С. Г. Барэка і Т. В. Шміт. У якасці запрошанага госця ў рабоце канферэнцыі прыняў актыўны ўдзел праф. Тэры Джонс з Англіі. У ходзе канферэнцыі студэнты прадстаўлялі даклады на тэмы, прысвечаныя культурным адрозненням у міжнародным бізнэсе, актыўна адказвалі на пытанні містэра Тэры Джонса, уступалі ў дыскусію з іншымі ўдзельнікамі сустрэчы. Падводзячы вынікі канферэнцыі, містэр Тэры Джонс адзначыў высокі ўзровень валодання англійскай мовай выступаючых студэнтаў, ацаніў сферу пытанняў, вынесеных на абмеркаванне, і ступень складанасці лексікі, якая выкарыстоўваецца студэнтамі. Студэнты-ўдзельнікі канферэнцыі атрымалі бясцэнны вопыт жывых зносін з носьбітам мовы, удасканалілі навыкі публічнага выступлення і правядзення прэзентацый на англійскай мове напярэдадні выпускных экзаменаў.
Вікторыя Барсук, студэнтка 5 курса спецыяльнасці "Сусветная эканоміка"
 |
 |
|
 |
