Подождите, идет загрузка сайта ...

2014_10_14Летнія канікулы скончыліся, пачаўся новы навучальны год. Нашы сябры з Ашмянскай школы-інтэрната з нецярпеннем чакалі сустрэчы са сваімі старымі і новымі сябрамі. Удзельнікі праекту «Прафарыентацыя" кафедры англійскай мовы эканамічных спецыяльнасцяў спяшаліся ў госці і ў гэты пагодны восеньскі дзень былі гатовыя да розных навучальных і развіваючых гурткоў.

Вікторыя Анісенка (5 курс "Сусветная эканоміка"), Марына Парывай (3 курс "Менеджмент у сферы міжнароднага турызму") і Ганна Джоджуа (5 курс "Сусветная эканоміка") разам з дзецьмі вучыліся гатаваць самую сапраўдную піцу. Самі рэзалі, замешвалі цеста, самі пасыпалі і ўпрыгожвалі сваё тварэнне. І елі потым гэтак жа, усе разам.

Валерыя Гарбунова падрыхтавала і правяла занятак майстар-клас па вырабе папяровых кветак. Дыяна Рыжэвіч, лабарант кафедры сацыялогіі ФФСН, правяла майстар-клас па лепцы з палімернай гліны. Атрымаліся дзіўна добрыя і мілыя істоты, далікатныя папяровыя ружы — крыніца ўсмешак і натхнення.

Арцём Варанецкі (3 курс "Сусветная эканоміка"), Чжан Лон, магістрант ФМА, Чжоу Шэннань, Боа Жун, Сняжана Раманіцкая  і Вольга Муха (3 курс "Менеджмент у сферы міжнароднага турызму") прынялі выклік па валейболе і змагаліся з камандай са школы-інтэрната. Дзень выдаўся яркім і насычаным, эмацыйна і падзейна. Было шмат усмешак і новых адкрыццяў. Наперадзе нас чакаюць новыя сустрэчы і новыя адкрыцці. Кіраўнік праекта старшы выкладчык кафедры англійскай мовы эканамічных спецыяльнасцяў К. В. Грыневіч выказвае шчырую падзяку ўсім удзельнікам праекта, усім тым, хто робіць гэтыя сустрэчы магчымымі, хто дорыць дзецям шмат пазітыву і ўсмешак. Асобную падзяку хацелася б выказаць прарэктару па вучэбнай праца Аляксею Васільевічу Данільчанка за падтрымку і праяўленую цікавасць да праекту, бо ў яго аснове тое, што ўсіх нас аб'ядноўвае — шчыры клопат пра дзяцей.

З 13 па 31 верасня праходзіла акцыя "Ад студэнтаў школьнікам". Мэта акцыі — збор канцтавараў. Студэнты ФМА актыўна прынялі ў ёй удзел. Сабраныя канцтавары былі перададзены выхаванцам школы-інтэрната ў Ашмянах. Валанцёрская арганізацыя "Абдымкі" дзякуе ўсім, хто адгукнуўся і прыняў удзел у акцыі.

Кантактная інфармацыя

  • Адрас: г. Мінск, вул. Ленінградская, 20
  • Паштовы адрас: 220030, г. Мінск, пр. Незалежнасці, 4
  • Тэлефон: +375 17 209 59 77
  • e-mail: fir@bsu.by

Палітыка ў дачыненні да апрацоўкі cookie-файлаў

Мы ў сацыяльных сетках

Зараз на сайце два госця і ніводнага зарэгістраванага