13 мая на кафедры англійскай мовы эканамічных спецыяльнасцяў адбылося доўгачаканае мерапрыемства — тэлемост з Фінансавым Універсітэтам пры Урадзе Расійскай Федэрацыі.
Дадзеная відэаканферэнцыя з удзелам студэнтаў спецыяльнасці "Сусветная эканоміка» і іх маскоўскіх калег была прысвечана актуальным праблемам міжкультурнай камунікацыі і ўліку культурнага аспекту пры вядзенні бізнесу за мяжой. У ходзе канферэнцыі было прадстаўлена больш за дзесятак дакладаў, за якімі адбылося бурнае абмеркаванне сітуацыі, якая склалася ў міжнароднай практыцыі вядзення бізнесу за мяжой. Былі закрануты самыя разнастайныя аспекты: ацэнка ўплыву нацыянальных асаблівасцяў народаў краін свету ў міжнародным маркетынгу і брэнд—менеджменце, практыка вядзення перамоваў з замежнымі партнёрамі і граматнае вырашэнне спрэчак, вывучэнне ролі невербальнай камунікацыі пры зносінах, асаблівасці ўспрымання часу ў розных краінах. Гэта ўжо другое па ліку падобнае мерапрыемства з Фінансавым універсітэтам пры Урадзе Расійскай Федэрацыі. Першы ж тэлемост злучыў нашых студэнтаў з калегамі з МДІМА. І ў гэты раз відэаканферэнцыя таксама была вельмі плённай і насычанай і прайшла ў цёплай і сяброўскай абстаноўцы.
Студэнты выказваюць падзяку кафедры англійскай мовы эканамічных спецыяльнасцяў у асобе заг. кафедры дац. С. А. Дубінка і выкладчыка кафедры А. В. Пільгун за арганізацыю тэлемосту і за прадстаўленую магчымасць зносін з расійскімі калегамі!
Ганна Далян, студэнтка 4 курса аддзяленя "Сусветная эканоміка"
