28 лістапада на базе Беларускага дзяржаўнага эканамічнага ўніверсітэта адбылася XIV Міжнародная студэнцкая навукова-практычная канферэнцыя на замежных мовах "Свет у XXI стагоддзі: эканамічныя, палітычныя і сацыякультурныя аспекты". Гэтае навуковае мерапрыемства аб'яднала прадстаўнікоў вышэйшых навучальных устаноў з Беларусі, Расіі, Кітая, Індыі і іншых краін.
Падчас пленарнага пасяджэння былі заслуханы студэнцкія даклады на англійскай, французскай, іспанскай, рускай як замежнай і нямецкай мовах.
Праца канферэнцыі працягнулася ў рамках 6 вочных секцый, дзе разглядаліся і аналізаваліся сучасныя тэндэнцыі развіцця сусветнай эканомікі, асаблівасці вядзення бізнесу ў розных краінах і рэгіёнах свету, грамадска-палітычнае і сацыяльна-эканамічнае развіццё краін і рэгіёнаў на сучасным этапе, асаблівасці развіцця сучаснага лінгвакультурнага асяроддзя і іншыя пытанні, якія датычацца трансфармацыі грамадства ў глабальным маштабе.
На гэтай канферэнцыі факультэт міжнародных адносін прадставіў студэнт 3-га курса спецыяльнасці "Міжнароднае права" Арцём Алегавіч Куцэнка, які выступіў з прэзентацыяй на тэму Culturally-based challenges of modern leadership in international business relations ("Культурна-абумоўленыя праблемы сучаснага лідэрства ў міжнародных дзелавых адносінах"). Яго даклад выклікаў ажыўленую дыскусію сярод удзельнікаў секцыі "Асаблівасці развіцця сучаснага лінгвакультурнага асяроддзя". Навуковае кіраўніцтва дадзенай работай ажыццяўляла старшы выкладчык кафедры англійскай мовы міжнароднай прафесійнай дзейнасці, магістр міжкультурнай камунікацыі Святлана Уладзіміраўна Салаўёва.
Студэнт пакінуў наступны водгук аб мерапрыемстве: «Для мяне было вельмі хвалююча прыняць удзел у працы міжнароднай студэнцкай канферэнцыі такога ўзроўню. Галоўную мэту выступу на падобных мерапрыемствах я бачу ў магчымасці ўсебаковага абмену досведам і зносіны на навуковыя тэмы з маладымі даследнікамі з розных куткоў зямнога шара. У будучыні спадзяюся зноў прыняць удзел у працы дадзенай канферэнцыі». (Арцём Куцэнка, студэнт 3-га курса спецыяльнасці «Міжнароднае права»).
Удзел у XIV Міжнароднай студэнцкай навукова-практычнай канферэнцыі на замежных мовах дазволіў прадстаўнікам вышэйшых навучальных устаноў з розных краін паглыбіць свае веды аб сучасным стане актуальных праблем грамадска-палітычнага і сацыяльна-эканамічнага характару, абмяняцца вынікамі праведзеных тэарэтычных і эмпірычных даследаванняў, а таксама пашырыць навуковае кола зносін.
{gallery}2024/2024_11_28_03{/gallery}