27 лістапада на пляцоўцы факультэта міжнародных адносін БДУ прайшоў III Рэспубліканскі круглы стол на тэму "Ваенна-патрыятычныя класы мытнай накіраванасці ва ўстановах агульнай сярэдняй адукацыі Рэспублікі Беларусь: сучасны стан і перспектывы развіцця". У яго рабоце прынялі ўдзел прадстаўнікі мытных органаў Рэспублікі Беларусь, у тым ліку Першы намеснік Старшыні ДМК Рэспублікі Беларусь Валіеў А.А., начальнік упраўлення кадраў і ідэалагічнай работы ДМК Рэспублікі Беларусь Маслоўскі А.А., намеснік начальніка дадзенага ўпраўлення Харачынскі Д.У., прадстаўнікі Мінскай цэнтральнай і рэгіянальнай мытняў, кіраўніцтва і настаўніка 13 школ і гімназій Мінска, Брэста, Бабруйска, Віцебска, Гомеля, Гродна, Магілёва, Мазыра і Полацка, намеснік дэкана ФМА па ідэалагічнай і выхаваўчай рабоце Болтачка П. І., загадчыкі мытных кафедраў БДУ, БНТУ і БрДТУ, намеснік дырэктара НДЦ “Зубраня” Гунько І.В., намеснік дырэктара па маркетынгу і камерцыйнай дзейнасці РУП "Выдавецтва "Адукацыя i выхаванне" Радзікевіч А.У. З прывітальным словам перад удзельнікамі выступіла дэкан факультэта Дастанка А.А.
У ходзе сустрэчы адбыўся актыўны абмен думкамі па праблемах сучаснага стану работы ў ваенна-патрыятычных класах мытнай накіраванасці ва ўстановах агульнай сярэдняй адукацыі, практыкі ўзаемадзеяння мытных органаў Рэспублікі Беларусь са школамі і гімназіямі, планаванні вучэбнай і выхаваўчай работы ў ваенна-патрыятычных класах мытнай накіраванасці, праведзены аналіз рэалізацыі праекта «Атрад «Будучы мытнік» у НДЦ "Зубраня", разгледжаны перспектывы далейшага развіцця ваенна-патрыятычных класаў мытнай накіраванасці ва ўстановах агульнай сярэдняй адукацыі.
Таксама ўвазе ўдзельнікаў была прадстаўлена выстаўка тэматычных кніжных фондаў бібліятэкі ФМА ў галіне грамадзянска-патрыятычнага выхавання і элемент плац-парада Групы ганаровай варты кафедры мытнай справы і міжнароднай лагістыкі ФМА БДУ.
{gallery}2024/2024_11_27_02{/gallery}