Прафарыентацыйная работа ў ВНУ накіравана, у першую чаргу, на прыцягненне абітурыентаў і на фарміраванне прафесійнага самавызначэння старшакласнікаў. Кафедра рамана-германскіх моў міжнароднай прафесійнай дзейнасці штогод праводзіць такую работу ў розных школах і гімназіях г. Мінска.
27.11.2024 г. студэнты 4 курса спецыяльнасці «Мытная справа» ФМА БДУ Глушакова Анастасія Аляксандраўна, Лагутка Марыя Дзянісаўна і Лемяшэў Юрый Вітальевіч, і студэнткі 1 курса спецыяльнасці «Мытная справа» ФМА БДУ Барысік Ганна Вадзімаўна і Лагуна Ульяна са старшым выкладчыкам кафедры рамана-германскіх моў міжнароднай прафесійнай дзейнасці Карацюк Т.С. наведалі ДУА "Гімназію № 74 г.Мінска" з мэтай прафарыентацыйнай работы. Сустрэча загадзя была ўзгоднена з кіраўніцтвам гімназіі. У сустрэчы прынялі ўдзел вучні 9-11 класаў і класныя кіраўнікі. Вучні праявілі вялікую зацікаўленасць, задавалі шмат пытанняў, а таксама пазнаёмілі гасцей са сваёй гімназіяй.
Пастаяннае і мэтанакіраванае правядзенне прафарыентацыйнай работы сярод выпускнікоў школ з'яўляецца адным з прыярытэтных напрамкаў работы факультэта, у якой актыўны ўдзел прымаюць як выкладчыкі, так і студэнты.
{gallery}2024/2024_11_27{/gallery}