19 лістапада 2024 года ў Мінскім абласным інстытуце развіцця адукацыі прайшоў 2 тур рэспубліканскага конкурсу работ даследчага характару навучэнцаў устаноў адукацыі Мінскай вобласці. У якасці члена журы па замежных мовах выступіла старшы выкладчык кафедры рамана-германскіх моў міжнароднай прафесійнай дзейнасці Вольга Георгіеўна Швайба. У конкурсе бралі ўдзел вучні 9-11 класаў.
Сярод удзельнікаў конкурсу Вольгай Георгіеўнай была праведзена прафарыентацыйная работа. БДУ быў прадстаўлены як вядучая ВНУ рэспублікі, а ФМА як яе брэнд. Дзеці і іх педагогі даведаліся як у жыцці рэалізуецца місія БДУ "быць першым" і дэвіз "універсітэт – твой крок у будучыню", змаглі пазнаёміцца бліжэй з нашым факультэтам і БДУ ў цэлым. Маладыя людзі атрымалі вычарпальную інфармацыю аб спецыяльнасцях і напрамках работы факультэта, прафесарска-выкладчыцкім складзе, аб навуковай дзейнасці і грамадскіх праектах, магчымасцях самарэалізацыі, нетворкінгу і развіцця софт скілс.
Факультэт міжнародных адносін зацікаўлены ў амбіцыйных, крэатыўных і актыўных студэнтах, таму дадзеная пляцоўка была цікавай для прэзентацыі нашага факультэта.
 |
 |