15 лістапада 2024 г. на факультэце міжнародных адносін БДУ пры падтрымцы Дэпартамента па турызме Міністэрства спорту і турызму Рэспублікі Беларусь і Нацыянальнага агенцтва па турызме прайшла XV Міжнародная навукова-практычная канферэнцыя «АГРАЭКАТУРЫЗМ 2024: НОВЫЯ ВЫКЛІКІ – НОВЫЯ РАШЭННІ». Канферэнцыя аб'яднала ўдзельнікаў як у аўдыторным фармаце, так і анлайн. Сярод удзельнікаў прысутнічалі прадстаўнікі навуковай супольнасці, гаспадары аграэкасядзіб, прадстаўнікі турыстычнай вертыкалі, студэнты і магістранты.
У цэнтры ўвагі канферэнцыі было абмеркаванне развіцця аграэкатурызму як у Беларусі, так і за мяжой. Адмысловая ўвага надавалася досведу Расійскай Федэрацыі і Кітайскай Народнай Рэспублікі, што дазволіла вывучыць лепшыя практыкі і выявіць перспектыўныя кірункі для развіцця гэтага сегмента турызму. Так, пытанні сучаснага стану і перспектыў развіцця інклюзіўнага агратурызму ў Расійскай Федэрацыі былі раскрыты дацэнтам кафедры гасцінічнага і турыстычнага менеджменту ФДБОУ ВА Расійскі эканамічны ўніверсітэт ім. Г.У. Пляханава Гарэевым Р.Р. Дырэктар ДУ "Нацыянальнае агенцтва па турызме" Марозаў Д.У. прэзентаваў вопыт арганізацыі Сусветнай канферэнцыі па сельскім турызме ў г. Хучжоу (КНР). У выступленнях удзельнікаў таксама разглядаліся такія аспекты, як цыфравізацыя сферы аграэкатурызму, перспектывы выкарыстання кулінарнай спадчыны, партнёрства на нацыянальным і міжнародным узроўні і шмат іншага. Па выніках працы канферэнцыі будзе апублікаваны электронны зборнік матэрыялаў.
{gallery}2024/2024_11_15{/gallery}