11 лістапада 2024 г. упершыню на факультэце міжнародных адносін праведзены навучальны тэматычны семінар "Супрацоўніцтва з краінамі Блізкага Усходу: шляхі да ўзаемаразумення". Слухачамі семінара сталі 8 супрацоўнікаў розных арганізацый: ААТ “Авіякампанія “Белавія”, Дэпартамент па авіяцыі Міністэрства транспарту і камунікацый, Гродзенскі дзяржаўны ўніверсітэт імя Я.Купалы, студэнты ФМА БДУ.
Слухачы атрымалі магчымасць азнаёміцца з прычынамі, асноўнымі этапамі і пазіцыямі бакоў у блізкаўсходнім канфлікце, культурай і традыцыямі краін Блізкага Усходу, пратакольнымі аспектамі перагавораў. Навучанне на семінары садзейнічала выпрацоўцы разумення спецыфікі рэгіёну Блізкага Усходу, развіццю кампетэнцый слухачоў па арганізацыі і правядзенню дзелавых мерапрыемстваў з прадстаўнікамі дзяржаў Блізкага Усходу.
Фармат правядзення заняткаў уключаў лекцыі і практычныя заняткі.
У завяршэнні навучання слухачы выказалі падзяку і пакінулі станоўчыя водгукі аб праграме, адзначылі яе практычную накіраванасць.
Жадаем нашым слухачам поспехаў у працы і наладжванні новых міжнародных сувязяў!
Дзякуем за працу выкладчыкам і распрацоўшчыкам праграмы - дацэнтам кафедры міжнародных адносін ФМА БДУ Анастасіі Міксюк і Дзмітрыю Шавялёву.
