Факультэт міжнародных адносін Беларускага дзяржаўнага ўніверсітэта, кафедра міжнароднага турызму і гасціннасці пры падтрымцы Дэпартамента па турызме Міністэрства спорту і турызму Рэспублікі Беларусь, Дзяржаўнай установы "Нацыянальнае агенцтва па турызме" пры Міністэрстве спорту і турызму Рэспублікі Беларусь праводзяць у г. Мінску XV Міжнародную навукова-практычную канферэнцыю «АГРАЭКАТУРЫЗМ 2024: НОВЫЯ ВЫЗОВЫ – НОВЫЯ РАШЭННІ»
Канферэнцыя адбудзецца 15 лістапада 2024 г. Месца правядзення канферэнцыі: факультэт міжнародных адносін БДУ (г. Мінск, вул. Ленінградская, 20, аўд.1201)
Асноўная мэта канферэнцыі – абмеркаванне сучасных напрамкаў развіцця аграэкатурызму.
Да ўдзелу ў канферэнцыі запрашаюцца прадстаўнікі органаў дзяржаўнага кіравання, акадэмічнай і прафесійнай суполак, гаспадары аграсядзіб, аспіранты, студэнты, а таксама ўсе зацікаўленыя асобы.
Прадугледжваецца работа па наступных напрамках:
- Аграэкатурызм як прыярытэтны від турызму ў Рэспубліцы Беларусь.
- Фактары ўстойлівага развіцця аграэкатурызму.
- Інавацыйныя падыходы да развіцця аграэкатурызму: беларускі і замежны вопыт.
- Інклюзіўнасць у аграэкатурызме: адаптацыя турпрадукта для людзей з асаблівымі патрэбамі.
- Сучасныя тэхналогіі менеджменту і маркетынгу ў развіцці аграэкатурызму.
- Аграэкатурызм як інструмент захавання і актуалізацыі прыроднай і гісторыка-культурнай спадчыны.
Формы ўдзелу ў канферэнцыі:
- Вочная з дакладам і наступнай публікацыяй у зборніку матэрыялаў
- Вочная ў якасці слухача
- Дыстанцыйная з дакладам і наступнай публікацыяй у зборніку
- Дыстанцыйная ў якасці слухача
- Завочная з публікацыяй у зборніку матэрыялаў канферэнцыі
Заяўкі на ўдзел у канферэнцыі і матэрыялы дакладаў прымаюцца да 28 кастрычніка 2024 г. на электронны адрас:
Усе выдаткі па знаходжанні ў Мінску – за кошт накіроўваючага боку.
Па пытаннях удзелу ў канферэнцыі звяртайцеся, калі ласка, па электроннай пошце: