26 верасня 2024 года ў Беларускім таварыстве дружбы і культурнай сувязі з замежнымі краінамі адбылося ўрачыстае мерапрыемства, прысвечанае 75-й гадавіне ўтварэння Кітайскай Народнай Рэспублікі.
Вечар адкрыла Н.С. Іванова, старшыня прэзідыума БелТД, прывітаннем паважаных гасцей і ўдзельнікаў мерапрыемства. На вечарыне прысутнічалі і выступілі з прамовамі Надзвычайны і Паўнамоцны Пасол КНР у Рэспубліцы Беларусь Чжан Вэньчуань, дырэктар Рэспубліканскага інстытута кітаязнаўства імя Канфуцыя БДУ А.А. Тозік, намеснік начальніка ўпраўлення Азіі, Аўстраліі і Акіяніі Міністэрства замежных спраў Рэспублікі Беларусь В.Л. Сенюта. У мерапрыемстве прынялі ўдзел больш за 150 чалавек з розных колаў беларускага грамадства, а таксама прадстаўнікі дыпламатычных місій, акрэдытаваных у Беларусі, супрацоўнікі кітайскіх устаноў і прадпрыемстваў, кітайскія дыяспары і студэнты трох ВНУ.
У сваёй прамове Пасол Чжан Вэньчуань прадставіў вялікія дасягненні развіцця за 75 гадоў з моманту заснавання Новага Кітая. Ён падкрэсліў, што Кітай выступае важным рухавіком і стабілізуючай сілай глабальнага эканамічнага росту. Дыпламат адзначыў, што кітайска-беларускія адносіны з моманту ўстанаўлення дыпламатычных адносін захоўваюць добрую дынаміку развіцця.
Старшыня таварыства "Беларусь-Кітай" А.А. Тозік павіншаваў з 75-годдзем стварэння Кітая, высока ацаніў вялікія дасягненні Кітая ў развіцці, выказаў вялікую надзею на далейшае паглыбленне кітайска-беларускага супрацоўніцтва і пажадаў, каб Кітай і Беларусь адкрывалі новую главу нацыянальнага развіцця і двухбаковых адносін.
У сваю чаргу намеснік начальніка ўпраўлення Азіі, Аўстраліі і Акіяніі Міністэрства замежных спраў Рэспублікі Беларусь В.Л. Сенюта горача павіншаваў з Днём утварэння Кітая і заявіў, што ўсяго за 75 гадоў Кітай дабіўся выдатных поспехаў і з'яўляецца сусветным лідарам у сферы эканамічнага развіцця, зялёнай энергетыкі, навукова-тэхнічных інавацый і ў іншых сферах.
Н.С. Іванова запрасіла да мікрафона наступнага ганаровага госця мерапрыемства А.У. Русаковіча, прафесара БДУ, члена таварыства "Беларусь -Кітай". У сваім выступленні Андрэй Уладзіміравіч падкрэсліў, што паміж Беларуссю і Кітаем дасягнуты высокі ўзровень палітычнага даверу. Беларусь і Кітай аказваюць адна адной безумоўную падтрымку ў пытаннях, якія маюць карэнныя інтарэсы. На фоне маштабных зменаў за апошняе стагоддзе беларуска-кітайскія адносіны годна праходзяць праверку на трываласць і рухаюцца толькі па ўзыходзячай траекторыі.
Сярод прысутных ганаровых гасцей прагучала цудоўнае і красамоўнае віншаванне ў вершах паэта, старшыні Мінскага аддзялення Саюза пісьменнікаў Беларусі М.П. Пазнякова.
На вечары выступіў хор музычнай школы №10 ім. Я. Глебава пад кіраўніцтвам А. Клімовіча, а таксама песня з мастацкім уяўленнем пра жураўлей на Палессі ў выкананні Аляксандра Валодчанкі. Прыемная і дружалюбная атмасфера панавала падчас усяго святочнага вечара ў доме народнай дыпламатыі.
(Тэкст склала Л.М.Загорская, ст.выкладчык кафедры англійскай мовы міжнароднай прафесійнай дзейнасці ФМА БДУ і студэнты 1 курса спецыяльнасцей "Усходазнаўства", "Міжнародныя адносіны", "Міжнародная канфлікталогія" ФМА БДУ).
{gallery}2024/2024_09_26_02{/gallery}