23 верасня 2024 года адбылася сустрэча прарэктара па ідэалагічнай і выхаваўчай рабоце Ганны Станіславаўны Бакун, прадстаўнікоў упраўлення па выхаваўчай рабоце з моладдзю і студэнцкіх арганізацый са студэнтамі 1 курса факультэта міжнародных адносін.
Прарэктара вітала дэкан ФМА Алена Анатольеўна Дастанка, адзначыўшы, што сёлета першакурснікамі факультэта міжнародных адносін сталі 356 чалавек па 8 спецыяльнасцях, уключаючы дзве новыя: "Міжнародная канфлікталогія", "Міжнародная лагістыка".
На сустрэчы першакурснікаў ФМА цікавілі крытэрыі адбору ў студэнцкае самакіраванне БДУ, перспектывы вывучэння тэмы Вялікай Айчыннай вайны ў адукацыйных праграмах і іншыя важныя пытанні. Ганна Станіславаўна падрабязна адказала на ўсе запыты студэнтаў, падкрэсліўшы значнасць актыўнага ўдзелу моладзі ў жыцці ўніверсітэта і грамадства ў цэлым.
