19 сакавіка 2024 г. кафедра ўсходніх моў і кафедра ўсходазнаўства правялі вечар усходняй паэзіі, прымеркаваны да Сусветнага дня паэзіі.
У арганізацыі мерапрыемства прынялі ўдзел загадчык кафедры ўсходазнаўства Баравы Віталь Расціслававіч і выкладчыкі кафедры ўсходніх моў Лешчанка Ксенія Ігараўна, Таране Хацеф, Лешчанка Валерыя Алегаўна, Стасева Ганна Пятроўна, Скалозубава Вольга Сяргееўна, Цішкевіч Ганна Мікалаеўна.
Студэнты падрыхтавалі творчыя нумары: прадэкламавалі вершы на вывучаемых мовах, выканалі песні папулярных выканаўцаў з краін Усходу. Сярод удзельнікаў былі студэнты 1-4 курса спецыяльнасцей "Усходазнаўства", "Лінгвакраіназнаўства" і "Міжнародныя адносіны" і магістранты спецыяльнасці "Усходазнаўства", якія вывучаюць усходнія мовы - кітайскую, карэйскую, японскую, фарсі, арабскую і турэцкую.
Сусветны дзень паэзіі адзначаецца па рашэнні ЮНЕСКА 21 сакавіка штогод, пачынаючы з 1999 г. Свята заснавана ААН 15 лістапада 1999 года. Гэты дзень закліканы паслужыць стварэнню ў публічным асяроддзі пазітыўнага вобраза паэзіі як сапраўды сучаснага мастацтва, адкрытага людзям.
{gallery}2024/2024_03_19_04{/gallery}