У рамках прафарыентацыйнай работы 4 красавіка 2024 года адбылася сустрэча студэнткі 2 курса спецыяльнасці "Менеджмент у сферы міжнароднага турызму" з навучэнцамі 10-11 класаў гімназіі № 18 імя І.С.Міранкова г. Мінска.
Падчас сустрэчы Цімошына Соф'я, выпускніца гэтай жа гімназіі, азнаёміла прысутных са спецыяльнасцямі факультэта міжнародных адносін, коратка расказала пра перспектывы і магчымасці на факультэце як у навучальным плане, так і ў грамадскай, спартыўнай і творчай сферы. Студэнтка падрыхтавала і паказала прэзентацыю пра ФМА, у якой расказала пра структуру факультэта, асноўныя спецыяльнасці, пра прахадныя балы 2023 г., а таксама пра ключавыя падзеі на ФМА, з якімі сустрэнецца кожны навучэнец. Асобная ўвага была ўдзелена кафедры міжнароднага турызму, дзе і вучыцца Соф'я. Школьнікам быў прадэманстраваны ролік пра 25-гадовую гісторыю кафедры, які раскрыў працэс станаўлення кафедры, дасягненні выкладчыкаў і выпускнікоў і стварыў спрыяльнае ўражанне ў слухачоў. Мерапрыемства прайшло пры ўдзеле дацэнта кафедры міжнароднага турызму Барысенка Н.М., куратара 10 групы 2 курса, дзе навучаецца Соф'я Цімошына.
