9 лютага 2024 г. студэнтка 2 курса спецыяльнасці «Міжнародныя адносіны» Елісеева Яна правяла мерапрыемства ў рамках прафарыентацыйнай работы кафедры міжнародных адносін у ДУА «Гімназія №16 г. Мінска», выпускніцай якой з'яўляецца студэнтка.
Мерапрыемства адбылося ў актавай зале гімназіі сярод вучняў дзевятых класаў. Падчас гутаркі студэнтка расказала вучням гімназіі аб вучобе на ФМА і яе перавагах, пазнаёміла будучых абітурыентаў з правіламі паступлення на розныя спецыяльнасці і расказала пра тыя магчымасці, якія прадастаўляюцца кожнаму студэнту факультэта. Пасля завяршэння лекцыйнай часткі вучні змаглі задаць усе пытанні, якія іх цікавяць, і падзяліцца сваімі думкамі аб тым, куды б яны хацелі паступаць пасля вучобы ў школе. У мерапрыемстве таксама прыняла ўдзел намеснік дырэктара па выхаваўчай рабоце гімназіі Кавалеўская Алена Аляксандраўна.
{gallery}2024/2024_03_09{/gallery}