13 сакавіка адбылася сустрэча студэнтаў факультэта міжнародных адносін БДУ са старшынёй Моладзевай рады (парламента) пры Нацыянальным сходзе Рэспублікі Беларусь Мікітам Святаслававічам Рачылоўскім.
Ён расказаў студэнтам, што Моладзевы парламент з'яўляецца важнейшым кансультатыўна-дарадчым моладзевым органам прадстаўнікоў моладзі з розных сфер прафесійнай дзейнасці. Члены Моладзевага парламента бяруць удзел у распрацоўцы праектаў нарматыўных прававых актаў, рэалізацыі дзяржаўнай моладзевай палітыкі і дзяржаўных праграм. Моладзевы парламент валодае шырокай прадстаўленасцю ва ўсіх гарадах, абласцях і раёнах Рэспублікі Беларусь, што дае магчымасць якаснага назірання за бягучым сацыяльна-эканамічным, прававым і культурным развіццём асобна ўзятага рэгіёну шляхам асабістых зносін з грамадзянамі і далейшай прапановы найбольш хуткага і дакладнага вырашэння грамадскіх пытанняў, асабліва, грунтуючыся на меркаванні моладзі.
Асобным блокам былі разгледжаны пытанні міжнароднага ўзаемадзеяння Моладзевага парламента Рэспублікі Беларусь з прадстаўнікамі моладзі суседніх краін. Адзначым, што ў Моладзевым парламенце працуе выпускніца факультэта міжнародных адносін Аліна Андрэеўна Рацькова, якая і адказвае за міжнародны напрамак.
{gallery}2024/2024_03_13{/gallery}