1 сакавіка 2024 г. у Клубе інтэлектуальных гульняў пры падтрымцы першаснай прафсаюзнай арганізацыі адбылася першая інтэлектуальная гульня-квіз "БДУ – вялікая сям'я", у якой прынялі ўдзел 13 каманд з розных факультэтаў універсітэта і члены іх сем'яў.
Каманду факультэта міжнародных адносін дастойна прадставілі выкладчыкі кафедры рамана-германскіх моў міжнароднай прафесійнай дзейнасці Крэль Л.А., Дзятлава В.З, Лосева С.А., Паляшчук В.Г. , Храмовіч Ю.Н., а таксама іх таленавітыя дзеці. Адным з юных знаўцаў быў Савелій Шатраўскі. Дружная каманда "Жар-птушкі" заняла ганаровае 3-е месца.
Гульня ў духу Брэйн-рынга была падзелена на некалькі тураў: размінка, музыка, логіка і інш. Пытанні часам былі зусім не простыя, але вельмі цікавыя. На мерапрыемстве панавала прыемная сямейная атмасфера, крыху напружаная, таму што прысутнічаў здаровы дух суперніцтва. Удзельнікі былі абмежаваны ў часе і пазбаўлены магчымасці выкарыстоўваць дапамогу мабільных тэлефонаў. Усе каманды былі ўзнагароджаны салодкімі прызамі, а для пераможцаў 1, 2 і 3 месцаў прафкам БДУ арганізуе экскурсію па прыгожых мясцінах Беларусі
{gallery}2024/2024_03_01_03{/gallery}