14 і 15 лістапада ў рамках прафарыентацыйнай работы кафедры міжнароднага турызму былі праведзены выязныя прафарыентацыйныя мерапрыемствы ў ДУА "Сярэдняя школа № 197 г. Мінска імя Герояў 120-й дывізіі" і ДУА "Сярэдняя школа № 77 г. Мінска імя І.К. Кабушкіна».
Дацэнт кафедры Наталля Іванаўна Багіно і студэнткі 11 гр. 3 курса Марыя Радзюк і Вераніка Сомава сустрэліся з навучэнцамі профільных класаў, якім у бліжэйшай будучыні трэба будзе вызначыцца з выбарам прафесіі.
Старшакласнікам прадставілі прэзентацыю аб факультэце міжнародных адносін, уключаючы такія пытанні як пералік спецыяльнасцей, па якіх вядзецца падрыхтоўка спецыялістаў, прахадныя балы на бюджэтную і платную формы навучання, а таксама расказалі аб навуковай і грамадскай дзейнасці студэнтаў.
У ходзе сустрэчы больш падрабязна была прадстаўлена інфармацыя аб кафедры міжнароднага турызму і спецыяльнасці "Менеджмент (напрамак спецыяльнасці: Менеджмент у сферы міжнароднага турызму). Прэзентацыя кафедры і спецыяльнасці суправаджалася паказам відэароліка і каментарыямі студэнтаў і выкладчыка аб змесце навучальных праграм, спецыфіцы працы менеджара ў індустрыі турызму і гасціннасці, канкрэтнымі прыкладамі абласцей прафесійнай дзейнасці выпускнікоў кафедры.
Будучыя абітурыенты задалі шэраг пытанняў аб асаблівасцях работы менеджара на міжнародных рынках, асабістым вопыце паступлення на факультэт міжнародных адносін, умовах прадастаўлення зніжак з кошту навучання, аб неабходным узроўні ведаў замежных моў і інш.
Кафедра міжнароднага турызму выказвае падзяку кіраўніцтву і супрацоўнікам ДУА "Сярэдняя школа № 197 г. Мінска імя Герояў 120-й дывізіі" і ДУА "Сярэдняя школа № 77 г. Мінска імя І.К. Кабушкіна» за прадстаўленую магчымасць правядзення прафарыентацыйных мерапрыемстваў і дапамогу ў іх арганізацыі.
{gallery}2023/2023_11_15{/gallery}