3 кастрычніка ў рамках мерапрыемстваў Дыпламатычных чытанняў ФМА БДУ студэнты 3 курса спецыяльнасці "Сусветная эканоміка" пад кіраўніцтвам старшага выкладчыка кафедры англійскай мовы міжнароднай прафесійнай дзейнасці М. В. Натуркача правялі конкурс праектаў па актуальных пытаннях міжнароднага маркетынгу і сусветнай палітыкі "International marketing and global politics" .
Асноўнай мэтай мерапрыемства стала абмеркаванне актуальных працэсаў на сусветнай арэне ў сферы глабальнай і рэгіянальнай палітыкі ў іх узаемасувязі з эканамічнымі працэсамі. Працуючы ў групах, студэнты прадставілі праекты і разгледзелі пытанні бяспекі, мірнага ўрэгулявання, устойлівага развіцця, супрацьдзеяння тэрарызму і эканамічныя праекты ў свеце.
Марыя Тупічэнка разгледзела новы фармат супрацоўніцтва C5+1 у Цэнтральнай Азіі. Аліса Паўлючэнкава і Кацярына Шамрыла прадставілі эканамічныя праекты і стан спраў у Рэспубліцы Беларусь. Мікіта Сайчук і Арцемій Бірукоў расказалі пра важныя міжнародныя палітычныя і індустрыяльныя праекты ў краінах ЕАЭС. Яна Ячэйка і аўтары праектаў паказвалі прэзентацыі, праводзілі інтэрактыўныя конкурсы. Анастасія Лаўранкова, Анастасія Панкратовіч прадставілі групавыя работы. Студэнты аналізавалі актуальныя тэндэнцыі ў сусветнай палітыцы і эканоміцы ў творчай форме. Калектыўная работа над праектамі дала магчымасць даведацца пра карысную інфармацыю, звязаную з прафесійнай дзейнасцю, а таксама паглыбіць веды ў прафесійнай сферы і ўдасканальваць камунікатыўныя навыкі выступлення перад аўдыторыяй на англійскай мове.
Ганна Урбановіч, студэнтка 3 курса спецыяльнасці «Сусветная эканоміка»
{gallery}2023/2023_10_03{/gallery}