10 лютага студэнты факультэта міжнародных адносін БДУ прынялі ўдзел у мерапрыемстве, прысвечаным 125-годдзю з Дня нараджэння вядомага нямецкага пісьменніка і драматурга Бертольда Брэхта. Вечарына памяці праходзіла ў Доме беларускага таварыства дружбы і культурнай сувязі з замежнымі краінамі. На імпрэзу ў якасці ганаровага госця быў запрошаны намеснік амбасадара ФРГ у Рэспубліцы Беларусь Міхаэль Новак.
Выступленні групы студэнтаў нашага факультэта, якія вывучаюць нямецкую мову ў якасці першай замежнай, прыемна ўразілі нямецкага дыпламатычнага супрацоўніка. Студэнты пазнаёмілі публіку як з вершамі Бертольда Брэхта, так і з яго празаічнымі творамі. Асаблівую цікавасць выклікаў творчы нумар, у якім студэнты разгледзелі адзін з твораў нямецкага пісьменніка скрозь прызму сучаснасці і разыгралі сцэнку, аналізуючы тым самым, наколькі праблемы пажылых людзей мінулага карэлююць з іх сённяшнімі клопатамі. Завяршыўся вечар музычнай сімфоніяй на творы Брэхта, падчас якой удзельнікі зрабілі фотаздымкі на памяць не толькі аб знаёмстве з вялікім драматургам свайго часу, але і з намеснікам пасла Германіі ў Беларусі Міхаэлем Новакам.
Суарганізатарам і вядучай вечарыны выступіла старшы выкладчык кафедры рамана-германскіх моў міжнароднай прафесійнай дзейнасці Вольга Георгіеўна Швайба.
{gallery}2023/2023_02_10_02{/gallery}