Пасольства Кітайскай Народнай Рэспублікі ў Рэспубліцы Беларусь і Саюз кітайскіх студэнтаў у Беларусі сумесна арганізавалі анлайн-канцэрт кітайскіх і беларускіх студэнтаў, прысвечаны наступленню Новага 2023 года па месяцавым календары. Студэнты, магістранты і аспіранты БДУ, МДЛУ, БДАМ, БДУКі, БДАМ і іншых беларускіх ВНУ, слухачы курсаў Інстытутаў Канфуцыя, вучні беларускіх школ, якія вывучаюць кітайскую мову, падрыхтавалі ў гонар свята творчыя нумары.
Надзвычайны і Паўнамоцны Пасол КНР у Рэспубліцы Беларусь Се Сяоюн і міністр адукацыі Рэспублікі Беларусь Андрэй Іванавіч Іванец аказалі падтрымку пры падрыхтоўцы мерапрыемства і выступілі з прамовай, пажадаўшы студэнтам, выкладчыкам і ўсім беларускім і кітайскім суайчыннікам шчаслівага Новага года.
Выкладчык кафедры ўсходніх моў Чжэн Цзяюнь як намеснік старшыні Саюза кітайскіх студэнтаў у Беларусі выступіла галоўным рэжысёрам і асноўным тэхнічным арганізатарам канцэрта, адказным за падбор нумароў і касцюмаў, рэпетыцыі і запіс відэаматэрыялу.
У канцэрце таксама прынялі ўдзел старшы выкладчык кафедры ўсходніх моў Лешчанка Ксенія Ігараўна і студэнтка 3-га курса спецыяльнасці “Лінгвакраіназнаўства” Пуцель Анастасія, якія выканалі песню на кітайскай мове.
Анлайн-канцэрт можна паглядзець па спасылках:
Youtube: “凛冬渐去 星河长明”2023年中白学生线上新春联欢晚会 - YouTube
QQ: 「“凛冬渐去 星河长明”2023年中白学生线上新春联欢晚会」正式开始啦！ (qq.com)
На здымку: удзельнікі канцэртнай праграмы, аташэ па справах адукацыі амбасады КНР у Беларусі Цзя Вэй
{gallery}2023/2023_01_23{/gallery}