Каляды – свята, якое прынята праводзіць у коле самых блізкіх людзей. Студэнты ФМА па праву лічаць універсітэт сваім другім домам і вялікай сям'ёй. І паколькі свята ўжо зусім хутка, то з кожным днём сцены нашага факультэта ўсё больш напаўняюцца чароўнай святочнай атмасферай. На мінулым тыдні на германскім аддзяленні кафедры рамана-германскіх моў міжнароднай прафесійнай дзейнасці прайшлі некалькі мерапрыемстваў, прысвечаных святкаванню Каляд у нямецкамоўных краінах. Дацэнт М. Ф. Арсенцьева, старшыя выкладчыкі І. П. Валовікава, А. В. Тарасевіч, В. Г. Швайба крэатыўна і з энтузіязмам падышлі да арганізацыі і правядзення калядных мерапрыемстваў.

16 снежня 2022 года адбылося мерапрыемства, прысвечанае святкаванню каталіцкіх Калядаў. Арганізатарамі мерапрыемства выступілі студэнты 3 курса спецыяльнасці "Менеджмент (у сферы міжнароднага турызму)", якія вывучаюць нямецкую мову як першую замежную і дацэнт кафедры Марыя Фёдараўна Арсенцьева.

На мерапрыемстве студэнты выконвалі вядомыя навагоднія кампазіцыі на нямецкай мове, такія як “O, Tannenbaum”, “Kling Glöckchen”, “In der Weihnachtsbäckerei”, “Fröhliche Weihnacht überall”. Шастакова Валерыя і Мацкевіч Арцём стварылі цудоўную атмасферу навагодняй урачыстасці, выконваючы кампазіцыі ўжывую пад гітару. Іншыя студэнты спявалі песні ў фармаце караоке, а таксама актыўна ўдзельнічалі ў спеве песень, выкананых Арцёмам і Валерыяй. Акрамя гэтага, усе ўдзельнікі абменьваліся цікавай інфармацыяй аб нямецкіх традыцыях святкавання, асаблівасцях падрыхтоўкі, прыгатавання традыцыйных страў нямецкай кухні, такіх як Christstollen, Zimtsterne, Weihnachtsgans і інш. Вельмі смачным было печыва, прыгатаваная Прыходзька Дар'яй і Галаўко Кацярынай.

Водгукі аб сустрэчы: 

«Я вельмі рада, што прыняла ўдзел у дадзеным мерапрыемстве. Гэта было па-сапраўднаму выдатна! Тое, як мы ўсе разам спявалі песні, слухалі “Kling Glöckchen” у выкананні Арцёма і Леры – усё гэта пакінула толькі светлыя ўражанні. Такія сустрэчы яшчэ больш збліжаюць студэнтаў нашай групы. Пасля мерапрыемства яшчэ больш захацелася пагрузіцца ў нямецкую культуру, каб больш даведацца пра людзей, традыцыі, іх лад жыцця. Вялікі дзякуй нашаму выкладчыку за такую цудоўную атмасферу надыходзячага свята» (Дар'я Прыходзька).

«Дзякуй вялікі нашаму выкладчыку за магчымасць правесці дадзенае мерапрыемства. Мне вельмі спадабалася, што нам удалося ўвасобіць маленькую частку Калядаў. Было прыемна выконваць вядомыя навагоднія песні разам з аднагрупнікамі. Асобна хочацца адзначыць дуэт Арцёма і Леры. Іх аўтарскае выкананне кампазіцыі «Jingle Bells» на нямецкай мове было неверагодным!» (Кацярына Галаўко).

«Я вельмі люблю, калі выкладчыкі ўмеюць стварыць не толькі прадуктыўную працоўную атмасферу, але і надаюць увагу стварэнню сяброўскай атмасферы. Для мяне вельмі важна бачыць, што выкладчык сапраўды перадае свой досвед, сапраўды робіць сваю працу дзеля нас, студэнтаў, і на сустрэчы, якая ў нас прайшла, я гэта адчула” (Валерыя Шастакова).

«Мерапрыемства было вельмі душэўным і атмасферным. Усё прайшло ў прыемнай абстаноўцы. Я б хацела часцей так збірацца, на мой погляд, гэта вельмі гуртуе групу» (Аліна Майсеенка).

20 снежня студэнты 4 курса спецыяльнасці "Менеджмент (у сферы міжнароднага турызму)" сталі ўдзельнікамі тэматычнага занятку па нямецкай мове, прысвечанага Калядам у Германіі. У рамках заняткаў студэнты даведаліся пра нямецкія святочныя традыцыі і абрады. Новая лексіка, прысвечаная тэме, спаборніцтвы паміж групамі, якія замацоўвалі новы вывучаны матэрыял, інтэнсіўны тэмп, мора пазітыву і задавальнення. "Мы ўсе засталіся вельмі задаволеныя!" — кажуць студэнты. Падобнае мерапрыемства прайшло і ў групе 3 курса спецыяльнасці "Мэнэджмент (у сферы міжнароднага турызму)". Арганізавала свята старшы выкладчык Ірына Пятроўна Валовікава.

Не пакінуў абыякавымі студэнтаў 2 курса спецыяльнасці "Менеджмент (у сферы міжнароднага турызму)" і занятак, праведзены Аленай Уладзіміраўнай Тарасевіч 23 снежня.

«На мерапрыемстве мы пазнаёміліся з традыцыямі святкавання Калядаў у Нямеччыне. Выявілі, што важнай часткай любога свята з'яўляюцца традыцыйныя пачастункі, рэцэпты якіх у нямецкіх сем'ях перадаюцца з пакалення ў пакаленне. Выдатным завяршэннем мерапрыемства сталі калядныя песні. Выканаўшы якія, мы пагрузіліся ў атмасферу свята. Мерапрыемства дало магчымасць адчуць перадкалядны настрой» (Марыя Радзюк). 

«Такія заняткі заўжды праходзяць вельмі цёпла і весела. Самае цікавае было даведацца пра калядныя традыцыі Германіі шмат новага. Гульні на калядную тэматыку на нямецкай мове былі вельмі цікавыя. Спевы калядных песень на нямецкай мове і пачастунак свежым печывам — усё гэта нагадвала сямейнае свята. Я б хацела часцей праводзіць падобныя мерапрыемствы» (Алеся Бар'яш).

«Зрабіць апошнюю пару нямецкай у гэтым годзе тэматычнай — выдатнае рашэнне. Мы даведаліся шмат цікавага аб святкаванні Каляд у Германіі і Аўстрыі, спявалі калядныя песні, што неверагодна падняло настрой! Дзякуючы такому занятку мы даведаліся, што, аказваецца, традыцыйны Штолен вырабляецца на працягу месяца. Увогуле, было вельмі прыемна і пазнавальна» (Клебча Паліна).

Не засталіся ўбаку і студэнты спецыяльнасці "Міжнароднае права" (арганізатар старшы выкладчык Вольга Георгіеўна Швайба)

«Заняткі 23 снежня, прысвечаныя традыцыям святкавання Каляд у Германіі, былі па-сапраўднаму займальным і карысным. Мы пазнаёміліся з культурнымі асаблівасцямі, звязанымі з пераднавагоднімі святамі, разабраліся ў гісторыі станаўлення асобных калядных традыцый немцаў розных канфесій, а таксама абмяняліся меркаваннямі і выказалі свае адносіны наконт святкавання Калядаў і Новага года. Інтэрактыўны падыход і цікавы матэрыял забяспечылі нам навагодні настрой на цэлы тыдзень!» (Глеб Вахоцкі).

Немагчыма вывучаць мову і заставацца ў баку ад культуры краіны вывучаемай мовы. Такое меркаванне падзяляюць студэнты 2 курса спецыяльнасці "Міжнароднае права". Таму з задавальненнем уключыліся ў працу на мерапрыемстве 23 снежня. «Мы пазнаёміліся з каляднымі традыцыямі Нямеччыны, даведаліся, як святкуюць гэтае свята ў Нямеччыне, вывучылі новую лексіку. Мы даведаліся шмат новых фактаў аб некаторых, здавалася б, звычайных упрыгожваннях да Калядаў: гісторыю стварэння каляднага вянка, чаму шары для ёлак круглыя, як упрыгожваюць ёлку і многае іншае. Гэта было вельмі пазнавальна і займальна!» (Сафія Барысевіч).

Падмацаваць пазітыўныя эмоцыі студэнтаў могуць некалькі мілых і атмасферных фатаздымкаў.