05 снежня 2022 г. кафедра англійскай мовы міжнароднай прафесійнай дзейнасці правяла інтэрнэт-віктарыну “Do you know the USA?” сярод студэнтаў другога курса спецыяльнасцей «Міжнародныя адносіны» і «Лінгвакраіназнаўства» на адукацыйным партале факультэта міжнародных адносін БДУ.

Галоўнай мэтай віктарыны стала пашырэнне агульнакультурных ведаў студэнтаў пра ЗША, павышэнне матывацыі вывучэння замежнай мовы праз сацыякультурны кампанент, фармаванне краіназнаўчай кампетэнцыі.

Віктарына праводзілася ў выглядзе тэставага задання з выкарыстаннем камп'ютарных тэхналогій. Кожны студэнт павінен быў адказаць на 40 пытанняў, звязаных з рознымі абласцямі жыцця ЗША (геаграфія, гісторыя, палітыка, літаратура, музыка, мастацтва, кінематограф і інш.) за 40 хвілін. Асабліва спадабаліся пытанні аб рэаліях амерыканскай культуры, музычныя інтэрактывы, а таксама заданні аб спорце і кіно.

Па выніках віктарыны былі вызначаны пераможцы. Віншуем!!!

• 1 месца – Фёдараў Яраслаў, 2 курс спецыяльнасць "Міжнародныя адносіны"
• 2 месца – Гулякевіч Ганна, 2 курс спецыяльнасць "Лінгвакраіназнаўства" і Грыцюк Аляксандр, 2 курс спецыяльнасць "Міжнародныя адносіны".
• 3 месца – Герасімовіч Аляксей, 2 курс спецыяльнасць "Міжнародныя адносіны".

Арганізатары віктарыны дзякуюць усім студэнтам, якія прынялі ўдзел у віктарыне і напісалі водгукі.

Зудава С.А., Ладзік Н.А.,  старшыя выкладчыкі кафедры