Мерапрыемства прайшло 29 лістапада з удзелам студэнтаў ФМА, ФФСН, Інстытута бізнесу, Юрыдычнага каледжа, а таксама будучых юрыстаў, эканамістаў і журналістаў.
Запрошаным спікерам стала спецыяльны дакладчык Савета ААН па правах чалавека па негатыўным уплыве аднабаковых прымусовых мер на правы чалавека, прафесар кафедры міжнароднага права, доктар юрыдычных навук Алена Доўгань. Яна расказала аб спецыфіцы дзейнасці спецдакладчыка Савета ААН і арганізацыі краінавых візітаў. Эксперт дэталёва спынілася на прыкладзе наведвання Сірыйскай Арабскай Рэспублікі. Тут ёй трэба было азнаёміцца з існуючай гуманітарнай сітуацыяй, уплывам аднабаковых санкцый на правы чалавека ў гэтай краіне. Па выніку візіту Алена Доўгань падрыхтавала даклад і рэкамендацыі для Савета па правах чалавека ААН.
Завяршылася сустрэча адказамі на пытанні студэнтаў. Маладых людзей цікавіла, чым абумоўлена ўвядзенне санкцый і магчымыя шляхі вырашэння гэтай праблемы ў Сірыі.
Сустрэча прайшла ў рамках адукацыйнага праекта "Беларусь – свету" ФМА БДУ. Гэта ініцыятыва рэалізуецца з 2021 года і накіравана на эфектыўнае ўзаемадзеянне экспертаў з розных сфер дзейнасці з моладдзю. У фармаце дыялогавых пляцовак праходзіць абмеркаванне актуальных сацыяльна-палітычных пытанняў з мэтай папулярызацыі нацыянальнагай парадку дня і ўмацавання пазіцый беларускай дзяржавы на міжнароднай арэне.
