У рамках прафарыентацыйнай работы факультэта міжнародных адносін 10 лістапада 2022 года адбылася сустрэча студэнтаў 4 курса спецыяльнасці "Менеджмент (у сферы міжнароднага турызму)" з навучэнцамі 11 класа сярэдняй школы № 37 г. Мінска. У ходзе сустрэчы была прадстаўлена інфармацыя аб факультэце міжнародных адносін БДУ, магчымасцях навучання па спецыяльнасцях, асаблівасцях навучальнага працэсу ў ВНУ і студэнцкім жыцці.
У сваю чаргу, вучні 9 класа Кірыл Жаўняк і Кацярына Жылік правялі экскурсію на нямецкай мове па Музеі гісторыі школы №37.
Гісторыя школы налічвае больш за 115 гадоў. Гэта адна са старэйшых дзеючых устаноў адукацыі сталіцы. Сёння ў ей навучаецца больш за 800 навучэнцаў, працуе больш за 80 настаўнікаў.
Мерапрыемства арганізавалі дырэктар школы № 37 А. В. Андрэева і дацэнт кафедры рамана-германскіх моў міжнароднай прафесійнай дзейнасці М. Ф. Арсенцьева.
Аліна Станелік і Яна Рудзько, студэнткі 4 курса спецыяльнасці "Менеджмент (у сферы міжнароднага турызму)"
{gallery}2022/2022_11_10{/gallery}