Штогод 29 кастрычніка ў Турцыі адзначаецца Дзень Рэспублікі. Студэнты нашага факультэта далучыліся да святочных мерапрыемстваў, звязаных з важнай для Турэцкай Рэспублікі датай.
У сераду, 26 кастрычніка, студэнты 2 і 3 курсаў спецыяльнасцей "Лінгвакраіназнаўства" і "Міжнародныя адносіны", якія вывучаюць турэцкую мову, наведалі вечарыну ў Доме дружбы, прысвечаную Дню Рэспублікі ў Турцыі.
28 кастрычніка на кафедры ўсходазнаўства прайшло мерапрыемства, прысвечанае 99-й гадавіне ўстанаўлення Турэцкай Рэспублікі. У ім прынялі ўдзел студэнты, якія вывучаюць турэцкую мову, і выкладчыкі кафедры. З прамовай аб сэнсе і значнасці свята выступіў выкладчык турэцкай мовы, дацэнт Самет Азап. Студэнткай 3 курса спецыяльнасці «Лінгвакраіназнаўства» Карынай Курдэсавай быў прачытаны верш на турэцкай мове «Няхай жыве Рэспубліка!» Студэнт 2 курса спецыяльнасці "Міжнародныя адносіны" Іван Краўчук прачытаў твор "Рэспубліка". Усе студэнты, якія вывучаюць турэцкую мову, выканалі песню, прысвечаную святу. Перад прысутнымі выступіў загадчык кафедры ўсходазнаўства В. Р. Баравы. Мерапрыемства прайшло ў сяброўскай і цёплай атмасферы, а напрыканцы кожны змог паспрабаваць турэцкую пахлаву.
