21 кастрычніка 2022 г. на кафедры англійскай мовы міжнароднай прафесійнай дзейнасці ФМА пад кіраўніцтвам выкладчыка Уладзіславы Кірылаўны Крэль адбыўся конкурс відэаролікаў "Career Choices" сярод студэнтаў 2 курса спецыяльнасці «Мытная справа».

Студэнты разгледзелі мноства актуальных праблем і выбараў, з якімі рана ці позна можа сутыкнуцца малады спецыяліст: сумяшчэнне працы і вучобы ва ўніверсітэце, праца за мяжой, праца ў начную змену і інш. Не менш цікавымі былі развагі на тэму выбару паміж цікавай, але нізкааплатнай працай і сумнай працай з высокім узроўнем заработнай платы. Меркаванні разышліся, аднак кожны здолеў аргументаваць свой пункт гледжання. Удзельнікі конкурсу прадэманстравалі як свой узровень валодання актыўнай лексікай і гутарковымі навыкамі, так і сваю крэатыўнасць, уменне падбіраць важкія аргументы і працаваць у камандзе.

У. К. Крэль, выкладчык кафедры англійскай мовы міжнароднай прафесійнай дзейнасці